Samsara

Oddi ar Wicipedia
Jump to navigation Jump to search
Data cyffredinol
Enghraifft o'r canlynolcysyniad crefyddol Edit this on Wikidata
Mathreincarnation Edit this on Wikidata
Enw brodorolसंसार Edit this on Wikidata
Samsara. Darlun Bwdhaidd o Dibet
Gweler hefyd Samsara (gwahaniaethu).

Term mewn Hindŵaeth, Bwdhaeth, Jainiaeth, Siciaeth a chrefyddau tebyg, am y byd cyfnewidiol, sef cylch geni, marw a dadeni yw samsara (Sansgrit: संसार saṃsāra). Mae samsara a'r llwybr i ymryddhau o'i afael yn un o gysyniadau gwaelodol y crefyddau hyn.

Yn ôl dysgeidiaeth y crefyddau hyn, mae bod dynol yn cael ei eni yn y byd hwn gyda'r gwaddol o karma sy'n perthyn iddo o'i fodolaethau blaenorol. Cyfanswm canlyniad gweithredoedd bod byw, er da neu er drwg, yw'r karma hwn, ac mae'n penderfynu ei dynged yn y dyfodol yn y broses barhaus o fod a pheidio bod, o symud i fyny neu i lawer yn y cosmos. Mae'n gysyniad sy'n tarddu o athroniaeth yr Isgyfandir India hynafol. Cafodd ei fenthyg o Hindŵaeth gan Fwdhaeth lle mae'n chwarae rhan bwysig yn nysgeidiaeth y Mahayana, yn enwedig ym Mwdhaeth Tibet. Yn ôl Bwdhaeth, pan fo person yn marw mae'r ewyllysiau gwaelodol a fu'n rhan o'i fywyd (samskaras) yn cael eu trosglwyddo gyda'i ymwybod - yr hyn a elwir yn enaid neu ysbryd yn y crefyddau Abrahamig - sydd, ar ôl cyfnod rhwng marwolaeth a geni (Tibeteg: y bardo), yn penderfynu ffurf y strwythur biolegol newydd y caiff y bod hwnnw ar ei ddadeni yn y byd. Credir fod y broses yma o eni a dadeni yn samsara yn mynd ymlaen am amser maith nes bod y person yn cyrraedd moksha (ymryddhau llwyr o'r byd cyfnewidiol).

Religion template.svg Eginyn erthygl sydd uchod am grefydd. Gallwch helpu Wicipedia drwy ychwanegu ato.