Saith Maen
 | |
| Math | aliniad cerrig  |
|---|---|
| Daearyddiaeth | |
| Sir | Powys |
| Gwlad |  Cymru |
| Cyfesurynnau | 51.824938°N 3.69483°W |
| Cod OS | SN8331015400 |
 | |
| Statws treftadaeth | heneb gofrestredig, Henebion Cenedlaethol Cymru |
| Manylion | |
| Dynodwr Cadw | BR072 |
Rhes neu linelliad o feini hirion yw'r Saith Maen, a leolir ar y mynydd-dir fymryn tu allan i bentref Craig-y-nos yn ardal Brycheiniog, Powys. Credir eu bod yn dyddio o ddechrau Oes yr Efydd (tua'r 2il fileniwn CC). Cyfeirnod OS (map 160): SN 833154
Mae'r rhes o saith garreg yn gorwedd ar rosdir rhwng afonydd Tawe a Thywyni. Maent wedi eu gosod ar linelliad o'r de-orllewin i'r gogledd-ddwyrain i ffurfio rhes hir gyda rhai o'r cerrig wedi syrthio. Mae'r maen mwyaf gogleddol, y talaf sy'n dal i sefyll, yn mesur 1.6 m o uchder, ond mae dau o'r cerrig sydd wedi cwympo yn mesur 2.3 a 2.6 metr ac yn feini sylweddol. Mae'r meini mwyaf deheuol yn llai o gryn dipyn, rhwng 0.8 a 0.7 metr. Ceir bwlch rheolaidd o tua 1 metr rhyngddynt.[1]
Ceir rhai meini llai eraill yn agos i'r safle a cheir olion chwareli cerrig yn yr ardal hefyd.
Cyfeiriadau
[golygu | golygu cod]- ↑ Helen Burnham, Clwyd and Powys. A Guide to Ancient and Historic Wales (HMSO, Llundain, 1995), tud. 46.
