Ryan Jones

Oddi ar Wicipedia
Jump to navigation Jump to search
Ryan Jones
Ryan Jones. Wales Grand Slam Celebration, Senedd 19 March 2012.jpg
Ganwyd 13 Mawrth 1981 Edit this on Wikidata
Casnewydd Edit this on Wikidata
Dinasyddiaeth Y Deyrnas Unedig Edit this on Wikidata
Alma mater
Galwedigaeth chwaraewr rygbi'r undeb Edit this on Wikidata
Taldra 196 Centimetr Edit this on Wikidata
Pwysau 114 cilogram Edit this on Wikidata
Chwaraeon
Tîm/au Tîm rygbi'r undeb cenedlaethol Cymru, Y Gweilch, Y Llewod Prydeinig a Gwyddelig Edit this on Wikidata
Safle Wythwr Edit this on Wikidata
Gwlad chwaraeon Cymru Edit this on Wikidata

Chwaraewr Rygbi'r Undeb i dîm rhanbarthol y Gweilch a Chymru yw Ryan Paul Jones (ganed 13 Mawrth 1981). Ef oedd capten Cymru yn nhymor 2008. Mae'n chwarae fel wythwr.

Ganed ef yng Nghasnewydd yn fab i blismon. Bu'n chwarae pêl-droed i dîm ieuenctid Bristol City fel golgeidwad hyd nes oedd yn 14 oed. Dechreuodd chwarae rygbi yn 17 oed, er mwyn cael bod gyda'i gyfellion.

Bu'n chwarae i'r Rhyfelwyr Celtaidd, yna pan gafodd y tîm yma ei ddirwyn i ben, aeth i chwarae i'r Gweilch. Chwaraeodd ei gêm gyntaf dros Gymru ym mis Tachwedd 2004, yn erbyn De Affrica. Roedd yn rhan o dîm Cymru pan enillwyd y Gamp Lawn yn 2005.

Ni ddewiswyd ef yn y lle cyntaf ar gyfer taith y Llewod i Seland Newydd yn niwedd 2005, ond yn dilyn anafiadau, galwyd ef i ymuno â'r tîm. Daeth ar y cae am gyfnod yn ystod y gêm brawf gyntaf a chwaraeodd o'r dechrau yn y ddwy gêm brawf arall; ystyriai llawer ei fod yn un o chwaraewyr gorau y Llewod yn y gemau hynny. Fodd bynnag, anafodd ei ysgwydd yn ddifrifol, ac ni allodd chwarae llawer o rygbi yn ystod 2006, gyda'r problemau'n parhau yn 2007.

Erbyn dechrau 2008 roedd yn ôl i'w orau, a phan ddaeth Warren Gatland yn hyfforddwr Cymru, apwyntiodd Ryan Jones yn gapten. Dan ei arweiniad ef, enillwyd y Gamp Lawn eto. Cafodd gytundeb 2 flynedd gan dîm Rygbi Bryste ym mis Mawrth, 2014 ond yn anffodus bu rhaid iddo gyhoeddi ei ymddeoliad o'r gêm ym mis Awst, 2015 oherwydd yr anaf diweddaraf i'w ysgwydd.[1]

Cyfeiriadau[golygu | golygu cod y dudalen]

  1.  Former Wales captain Ryan Jones forced to retire from rugby due to injuries. WalesOnline (20 Awst 2015). Adalwyd ar 7 Medi 2015.