Roger Cadwaladr

Oddi ar Wicipedia
Roger Cadwaladr
Ganwyd1568 Edit this on Wikidata
Stretton Sugwas Edit this on Wikidata
Bu farw27 Awst 1610 Edit this on Wikidata
Llanllieni Edit this on Wikidata
Alma mater
  • Y Coleg Saesneg, Valladolid Edit this on Wikidata
Galwedigaethoffeiriad Edit this on Wikidata

Ganwyd Roger Cadwaladr (1566 - 27 Awst 1610) yn Stretton Sugwas, Swydd Henffordd[1]. Wedi ymaelodi yn athrofa Reims yn 1590, a'i urddo'n offeiriad yn Valladolid yn 1593, bu'n gwasanaethu maes cenhadaeth Gororau De Cymru.

Gweithiai yn y Gymraeg a'r Saesneg a nifer o ieithoedd eraill.[2]

Yn 1610 fodd bynnag, fe'i cipiwyd oddi yno i garchar. Cyn hynny byddai'n bleidiol i'r Offeiriaid 'Appellant', 1600-03, ond gwrthwynebodd y clerigwyr eraill a'r Jeswitiaid. Newidiodd ei syniadau am hynny yn ddiweddarach, ac yn ystod ei garchariad, ac ar y dydd y condemniwyd ef i farwolaeth, cafodd ymweliad gan y Tad Robert Jones, pennaeth y Jeswitiaid yn Lloegr. Y Tad Jones hwn a ysgrifennodd hanes ei ddienyddiad yn Llanllieni (Leominster), 27 Awst 1610, mewn Eidaleg.

Ffynonellau[golygu | golygu cod]

  1. Y Bywgraffiadur Cymreig; adalwyd Ebrill 2016.
  2. Yr Athro John McCafferty, Prifysgol Dulyn; adalwyd 28 Awst 2020.
  • Catholic Record Society, xxv, 22;
  • Foley, Records of the English province of the Society of Jesus (1570-1800), iv, 389-391;
  • Challoner, Memoirs of Missionary Priests, ... and of other Catholics, ... that have suffered death in England, on religious accounts, from ... 1577 to 1684 (arg. 1924), 299-306.