Rhun ab Owain Gwynedd

Oddi ar Wicipedia
Jump to navigation Jump to search
Rhun ab Owain Gwynedd
TadOwain Gwynedd Edit this on Wikidata

Roedd Rhun ab Owain Gwynedd (m. 1146) yr hynaf o feibion Owain Gwynedd, brenin teyrnas Gwynedd.

Ychydig a wyddys amdano. Roedd ei fam yn Wyddeles o'r enw Pyfog (a elwir mewn rhai ffynonellau yn Ffynnod Wyddeles), un o ordderchwragedd niferus ei dad. Ond nid oedd bod yn blentyn gordderch yn lawer o anfantais yn y cyfnod hwnnw, a chafodd Rhun ei enwi'n etifedd y deyrnas gan Owain. Ymddengys iddo farw'n ifanc iawn, yn 1146, heb adael plant ar ei ôl.

Ei frodyr oedd Iorwerth Drwyndwn (tad Llywelyn Fawr: m. 1174?), y bardd-dywysog Hywel ab Owain Gwynedd (m. 1170), Maelgwn, Dafydd (m. 1203), Rhodri (hendaid Senana gwraig Gruffudd ap Llywelyn a mam Llywelyn ein Llyw Olaf: m. 1195), a Chynan (tad Gwerful Goch a gorhendaid i Fadog ap Llywelyn, arweinydd y gogledd yng Ngwrthryfel Cymreig 1294-96 yn erbyn y goresgyniaid Seisnig).