Ratko Mladić

Oddi ar Wicipedia
Jump to navigation Jump to search
Ratko Mladić
Evstafiev-ratko-mladic-1993-w.jpg
Ganwyd 12 Mawrth 1943 Edit this on Wikidata
Božanovići Edit this on Wikidata
Dinasyddiaeth Gweriniaeth Ffederal Sosialaidd Iwgoslafia, Republika Srpska Edit this on Wikidata
Galwedigaeth Milwr, person milwrol Edit this on Wikidata
Gwobr/au Order of the National Army, Order of military merits with golden swords, Order for military merits with silver swords, Urdd brawdoliaeth a undod Edit this on Wikidata

Cyn-gadfridog Serbaidd o wlad Bosnia yw Ratko Mladić (Serbeg: Ратко Младић, ganwyd 12 Mawrth 1943) a wasanaethodd yn Bennaeth Staff Byddin Republika Srpska yn ystod Rhyfel Bosnia.

Ymunodd â Byddin Pobl Iwgoslafia ym 1965, a daeth i sylw'r byd yn ystod Rhyfel Bosnia (1992–95) pan arweiniodd lluoedd Republika Srpska, sef y weriniaeth Serbaidd ethnig yn y wlad a elwir heddiw Bosnia-Hertsegofina. Fel pennaeth y fyddin, roedd ganddo gyfrifoldeb trwy orchymyn dros Warchae Sarajevo (1992–96) a chyflafan Srebrenica.[1] Ym 1995 cafodd ei dditio gan y Tribiwnlys Troseddol Rhyngwladol ar gyfer y cyn-Iwgoslafia (ICTY) am hil-laddiad, troseddau rhyfel, a throseddau yn erbyn dynoliaeth. Wedi'r rhyfel, bu helfa hir i ddal Mladić a throseddwyr honedig eraill o'r rhyfel, gan gynnwys y cyn-arlywydd Republika Srpska Radovan Karadžić.[2][3][4]

Cafodd ei arestio gan luoedd diogelwch Serbia ar 26 Mai 2011 yn Lazarevo, Serbia.[5] Cafwyd Mladić yn euog o ddeg allan o'r 11 o gyhuddiadau yn ei erbyn, a'i ddedfrydu i garchar am oes ar 22 Tachwedd 2017.[6]

Cyfeiriadau[golygu | golygu cod y dudalen]