Rachel Held Evans

Oddi ar Wicipedia
Jump to navigation Jump to search
Rachel Held Evans
Rachel Held Evans.jpg
Ganwyd 8 Mehefin 1981 Edit this on Wikidata
Alabama Edit this on Wikidata
Bu farw 4 Mai 2019 Edit this on Wikidata (37 oed)
Achos: edema ar yr ymennydd Edit this on Wikidata
Nashville Edit this on Wikidata
Dinasyddiaeth Unol Daleithiau America Edit this on Wikidata
Alma mater
  • Bryan College Edit this on Wikidata
Galwedigaeth colofnydd, newyddiadurwr, religious writer Edit this on Wikidata
Gwefan https://rachelheldevans.com/ Edit this on Wikidata

Colofnydd, blogiwr ac awdur Cristnogol oedd Rachel Held Evans (ganedRachel Grace Held, 8 Mehefin 19814 Mai 2019). Bu ei llyfr A Year of Biblical Womanhood ar restr The New York Times o'r e-lyfrau ffeithiol oedd yn gwerthu orau.[1]

Bywyd a gyrfa[golygu | golygu cod y dudalen]

Ganed Evans yn Alabama, yn ferch i Peter a Robin Held, a threuliodd ei blynyddoedd cynnar yn Birmingham, Alabama.[2] Pan oedd yn 14 oed, symudodd hi a'i theulu i Dayton, Tennessee, lle cymerodd ei thad swydd weinyddol yng Ngholeg Bryan. Mynychodd Ysgol Uwchradd Swydd Rhea ac yna aeth i Goleg Bryan lle cymerodd lenyddiaeth Saesneg fel pwnc anrhydedd. Derbyniodd ei gradd Baglor yn y Celfyddydau yn 2003 a phriododd Dan Evans. Symudodd y ddau i Chattanooga, Tennessee, lle bu'n gweithio i'r Chattanooga Times Free Press.[3]

Dychwelodd Evans i Dayton yn 2004 a bu'n gweithio yn llawn amser i'r papur newydd The Herald-News. Yn 2006, aeth o weithio'n amser llawn i ysgrifennu pro bono fel colofnydd hiwmor y papur; yn 2007, enillodd wobr am y Colofn Hiwmor Personol Gorau gan Gymdeithas Gwasg Tennessee.[4] Parhaodd i ysgrifennu erthyglau llawrydd ar gyfer cyhoeddiadau cenedlaethol a dechreuodd gadw blog.[5]

Ym mis Medi 2008, arwyddodd Evans gytundeb gyda Zondervan i gyhoeddi ei llyfr cyntaf, Evolving in Monkey Town.[6] Mae'r llyfr yn archwilio ei thaith o sicrwydd crefyddol i ffydd sy'n derbyn amheuaeth a chwestiynu; mae'r teitl yn seiliedig ar Achos Llys Mwnci Scopes a gynhaliwyd yn Dayton.[7] Rhyddhawyd ei hail lyfr, A Year of Biblical Womanhood: How a Liberated Woman Found Herself Sitting on Her Roof, Covering Her Head, and Calling Her Husband Master, ym mis Hydref 2012.[8][9] Mae hi'n adrodd sut y treuliodd flwyddyn gyfan o fyw bywyd Beiblaidd yn llythrennol. Roedd y llyfr hefyd yn denu sylw'r cyfryngau cenedlaethol i Evans wrth iddi ymddangos ar The Today Show.[5] Yn 2014, ail-ryddhaodd Evans Evolving in Monkey Town gyda'r teitl newydd Faith Unraveled .[10]

Yn 2015, ysgrifennodd golofn yn The Washington Post : ""Want millennials back in the pews? Stop trying to make church 'cool'". Yn y golofn roedd hi'n ystyried ei hun fel "millennial", a mynegodd ei chred bod eglwysi yn mynd at y dasg o geisio denu ei chyfoedion iddynt trwy ganolbwyntio ar agweddau steilistig yn anghywir; nid "gwell sioe" yn unig oedd pobl ifanc ei eisiau. Credai bod ymdrechion yr eglwys yn ddidwyll, ond ei bod yn defnyddio strategaethau camsyniol i wneud hynny.[11]

Roedd Evans yn Esgobydd[12] ac aeth i Eglwys Esgobol Sant Luc yn Cleveland, Tennessee.[13] Ar adeg ei marwolaeth, nid oedd bellach yn ystyried ei hun yn "efengylaidd" oherwydd ei chysylltiad agos â'r adain dde Gristnogol yn yr Unol Daleithiau.[14] Yn gynnar ym mis Awst 2016, cyhoeddodd Evans erthygl olygyddol yn Vox a oedd yn amddiffyn ei safbwynt "Cristion pro-bywyd" a'i chefnogaeth i Hillary Clinton, enwebai arlywyddol democrataidd yn etholiad arlywyddol yr Unol Daleithiau yn 2016.[15]

Marwolaeth[golygu | golygu cod y dudalen]

Cafodd Evans ei rhoi mewn coma a ysgogwyd yn feddygol ym mis Ebrill 2019 yn dilyn haint.[16][17] Erbyn 2 Mai, gwaethygodd ei chyflwr oherwydd "chwydd difrifol yn ei hymennydd," a bu farw ar 4 Mai.[18][19]

Llyfrau[golygu | golygu cod y dudalen]

  • — (2010). Evolving in Monkey Town: How a Girl Who Knew All the Answers Learned to Ask the Questions. Zondervan. ISBN 978-0310293996., republished as — (2014). Faith Unraveled: How a Girl Who Knew All the Answers Learned to Ask Questions. Zondervan. ISBN 978-0310339168.
  • — (2012). A Year of Biblical Womanhood: How a Liberated Woman Found Herself Sitting on Her Roof, Covering Her Head, and Calling Her Husband Master. Thomas Nelson. 352. ISBN 978-1595553676.
  • — (2015). Searching for Sunday: Loving, Leaving, and Finding the Church. Thomas Nelson. ISBN 978-0718022129.
  • — (2018). Inspired: Slaying Giants, Walking on Water, and Loving the Bible Again. Thomas Nelson, Inc. ISBN 9781400211074.

Cyfeiriadau[golygu | golygu cod y dudalen]

  1. "Best Sellers". The New York Times. Cyrchwyd 9 Chwefror 2015.
  2. Dias, Elizabeth; Roberts, Sam (4 Mai 2019). "Rachel Held Evans, Voice of the Wandering Evangelical, Dies at 37". The New York Times. Cyrchwyd 4 Mai 2019.
  3. "Alumna Rachel Held Evans – published, working and improving". The Bryan College Triangle. 23 Hydref 2013. Cyrchwyd 7 Ionawr 2014.
  4. "State Press Contests Awards" (PDF). University of Tennessee – Tennessee Press Association. 2007. t. 14. Cyrchwyd 6 Mehefin 2012.
  5. 5.0 5.1 Evans, Rachel Held (22 Hydref 2012). "Living through 'A Year of Biblical Womanhood'". Today Books. MSN. Cyrchwyd 6 Tachwedd 2012.
  6. Evans, Rachel Held (2010). Evolving in Monkey Town: How a Girl Who Knew All the Answers Learned to Ask the Questions. Zondervan. ISBN 978-0-31029399-6.
  7. Held Evans, Rachel. "Evolving in Monkey Town". Cyrchwyd 6 Tachwedd 2012.
  8. Graham, Ruth (1 Medi 2011). "A Year of Biblical Womanhood". Slate. ISSN 1091-2339. Cyrchwyd 21 Awst 2015.
  9. Compton, Allie (23 Hydref 2012). "Rachel Held Evans, Author of "A Year of Biblical Womanhood", Spent a Year Living the Bible Literally". Huff Post.
  10. Evans, Rachel Held (2014). Faith Unraveled: How a Girl Who Knew All the Answers Learned to Ask Questions. Zondervan. ISBN 978-0-31033916-8.
  11. Devlin, Nathanael (Spring 2018). "Millennial Mission: The Transmission of Christianity Is Not a New Task" (PDF). Touchstone: A Journal of Mere Christianity (Pennsylvania) 31 (2): 42–45. ISSN 0897-327X. 128120637. http://web.a.ebscohost.com/ehost/pdfviewer/pdfviewer?vid=1&sid=781e0df8-fe3a-480c-8973-a793f89c0b23%40sdc-v-sessmgr05. Adalwyd 11 Hydref 2018.
  12. Merritt, Jonathan (9 Mawrth 2015). "Rachel Held Evans defends exit from evangelicalism, calls Christians to celebrate sacraments". Cyrchwyd 21 Awst 2015.
  13. Bailey, Sarah Pulliam (16 Ebrill 2015). "How Rachel Held Evans became the most polarizing woman in evangelicalism". The Washington Post. ISSN 0190-8286. Cyrchwyd 21 Awst 2015.
  14. "Ex-Evangelical Rachel Held Evans Still Cherishes Her Bible". Publishers Weekly. Cyrchwyd 26 Medi 2018.
  15. Held Evans, Rachel (4 Awst 2016). "I'm a pro-life Christian. Here's why I'm voting for Hillary Clinton". Vox. Cyrchwyd 20 Ionawr 2017.
  16. Koplowitz, Howard (19 Ebrill 2019). "Rachel Held Evans, bestselling Christian author and Birmingham native, in intensive care". AL. Cyrchwyd 19 Ebrill 2019.
  17. "Fans Rally Around Progressive Christian Author Placed In Medically Induced Coma". HuffPost. 23 Ebrill 2019. Cyrchwyd 23 Ebrill 2019.
  18. Graham, Ruth (4 Mai 2019). "Rachel Held Evans, the Hugely Popular Christian Writer Who Challenged the Evangelical Establishment, Is Dead at 37". Slate. Cyrchwyd 4 Mai 2019.
  19. Vera, Amir (4 Mai 2019). "Rachel Held Evans, popular Christian writer, dies at 37". CNN. Cyrchwyd 5 Mai 2019.