Pussy Riot

Oddi ar Wicipedia
Neidio i: llywio, chwilio
Pussy Riot

Saith aelod y band Pussy Riot
Y Cefndir
Lleoliad Moscow, Rwsia
Math o Gerddoriaeth Punk rock, anarchiaeth
Cyfnod perfformio 2011 (2011)–present
Label Dim
Gwefan pussy-riot.livejournal.com
Y grŵp Pussy Riot yn perfformio yn Lobnoye Mesto yn y Sgwâr Coch yn Ionawr 2012.

Band punk rock ffeministaidd o Foscow ydy Pussy Riot. Mae'r grŵp yn sgwennu ei enw efo llythrennau Lladin a chaiff hynny ei gopio gan y Wasg yn Rwsia. Cafodd y grŵp ei sefydlu yn Awst 2011 ac mae oddeutu 12 aelod, pob un yn gwisgo balaclafa lliwgar ac yn defnyddio llysenwau yn hytrach nag enwau go iawn.

Fel arfer mae nhw'n trefnu gigs byr fyfyr, heb gyhoeddusrwydd ymlaen llaw: gigiau profoclyd gan dynnu coes gwleidyddion megis y Prif Weinidog Vladimir Putin. Cynhelir y gigs yn aml mewn lleoliadau anghyffredin, llefydd fel Lobnoye Mesto yn y Sgwâr Coch neu ar dop bws neu dram neu ar sgaffold. Golygir y perfformiadau hyn ganddynt a'i bostio ar y we.[1]

Ar 21 Chwefror 2012, perfformiodd pump aelod o'r grŵp[2] yr hyn a alwant yn "weddi'r pync" ("punk Prayer"), mewn eglwys yng nghanol Moscow, sef Eglwys Gadeiriol Crist yr Achubwr.[3] Camodd swyddogion yr eglwys ymlaen i'w hatal rhag gorffen y gig, ond erbyn fin nos roedd aelodau'r grŵp wedi golygu'r fideo a'i alw'n “O, Fam Crist, rho Putin dan Glo!”. Yn y gân roeddent yn sarhau Putin a phennaeth yr Eglwys Uniongred yn Rwsia (Kirill I).[4][5][6]

Arestio a charchar[golygu | golygu cod y dudalen]

Ar 3 Mawrth arestiwyd dau aelod o'r grŵp: Nadezhda Tolokonnikova a Maria Alyokhina ar gyhuddiad o hwliganiaeth. Arestiwyd trydydd aelod ar y 15fed: Yekaterina Samutsevich.[7]

Fe'u cadwyd yn y ddalfa tan ddiwedd Gorffennaf pan roddwyd hwy ar brawf; daeth cyhoeddusrwydd byd-eang i'r achos hwn. Ar 21 Awst dedfrydwyd y dair ferch i ddwy flynedd yr un o garchar.[8][9]

Yn ôl llefarydd ar ran y BBC, roedd barn cryf ledled y byd fod y ddedfryd yn rhy uchel, yn rhy drwm.[10] Credir fod dau aelod arall o'r grŵp wedi cymryd y goes a'i heglu hi o'r wlad, rhag ofn iddynt hwythau gael eu rhoi ar brawf. Edrychir ar y dair arall gan nifer o fudiadau fel carcharorion gwleidyddol.

Cyfeiriadau[golygu | golygu cod y dudalen]

  1. "Pussy Riot dig claws into Putin". Financial Times. 16 Mawrth 2012. http://www.ft.com/intl/cms/s/0/8efa1f1e-6f82-11e1-b3f9-00144feab49a.html#axzz24zNdrMMG.
  2. "Russian police hunt for more members of Pussy Riot". The Guardian. 20 August 2012. http://www.guardian.co.uk/music/2012/aug/20/russian-police-hunt-pussy-riot.
  3. Pussy Riot gig at Christ the Savior Cathedral (original video). 2 Chwefror 2012. Retrieved 1 Medi 2012.  Check date values in: |access-date= (help)
  4. "Six arrested at Pussy Riot protest in New York". Yahoo! News. Archifwyd from y gwreiddiol on 2012-08-23. http://web.archive.org/web/20120823150556/news.yahoo.com/six-arrested-pussy-riot-protest-york-162120491.html.
  5. "Pussy Riot sentenced to two years in prison colony over anti-Putin protest". The Guardian. 17 Awst 2012. http://www.guardian.co.uk/music/2012/aug/17/pussy-riot-sentenced-prison-putin?newsfeed=true.
  6. Carol Rumen (20 Awst 2012). "Pussy Riot's Punk Prayer is pure protest poetry". The Guardian. http://www.guardian.co.uk/books/2012/aug/20/pussy-riot-punk-prayer-lyrics.
  7. "Мэр Рейкьявика проехал по городу в образе Pussy Riot". lenta.ru. http://lenta.ru/news/2012/08/11/thesoftparade/.
  8. "Pussy Riot sentenced to two years in jail". RT. 17 Awst 2012. http://rt.com/news/pussy-riot-trial-896/.
  9. "Pussy Riot found guilty of hooliganism by Moscow court". BBC NEWS. August 17, 2012. http://www.bbc.co.uk/news/world-europe-19297373. Adalwyd 17 Awst 2012.
  10. BBC 18 August 2012