Philip de Thaun

Oddi ar Wicipedia
Jump to navigation Jump to search
Philip de Thaun
Ganwyd 1100 Edit this on Wikidata
Dinasyddiaeth Ffrainc Edit this on Wikidata
Galwedigaeth Bardd, Ysgrifennwr Edit this on Wikidata
Blodeuodd 12G Edit this on Wikidata

Bardd yn yr iaith Eingl-Normaneg oedd Philip de Thaun a flodeuai o'r 1110au i'r 1130au. Mae'n bosib iddo hanu o deulu arglwyddi Thaun, ger Caen yn Normandi, a symudodd i Loegr yn niwedd y 11g gyda'i ewythr Hunfrei.

Ysgrifennodd ei waith cyntaf, Cumpoz neu Liber de creaturis, rhwng 1113 a 1119. Cyfansoddai'r Cumpoz mewn cwpledi chwesill odledig, ac mae'n gymorth i glerigwyr gyfrifo'r gwyliau symudol ym mlwyddyn yr eglwys. Ymddengys taw Beda, William de Conches, a Chilperic o St Gall oedd ei brif ffynonellau. Rhwng 1121 a 1135, Philip oedd awdur Li bestiaire, y cyfieithiad cyntaf sy'n goroesi o'r bwystori Lladin Physiologus yn yr iaith Ffrangeg neu Normaneg. Cyflwynodd y gwaith i'r Frenhines Adeliza o Louvain, gwraig Harri I, brenin Lloegr. Cyfansoddai mewn cwpledi chwesill odledig ac eithrio'r 303 o linellau wythsill ar ddiwedd y gerdd. Mae'n cynnwys rhagymadrodd, 35 o benodau am anifeiliaid, tair pennod am gerrig gwerthfawr, a diweddglo.[1]

Priodolir hefyd iddo drosi'r Sibylla Tiburtina yn gerdd chwesill gyda deunydd ychwanegol o'r Libellus de Antichristo gan Adso o Montier-en-Der. Un lawysgrif o'r gwaith sydd yn goroesi, gyda'r teitl Le livre de Sibile (tua 1239), er nad yw enw Philip yn ymddangos ynddi.[1]

Cyfeiriadau[golygu | golygu cod y dudalen]

  1. 1.0 1.1 Jeanette Beer, "Thaun, Philip de (fl. 1113x19–1121x35), Anglo-Norman poet", Oxford Dictionary of National Biography. Adalwyd ar 4 Mawrth 2019.