Parodi

Oddi ar Wicipedia

Parodi (benthyciad diweddar o'r gair Saesneg parody, o'r gair Eidaleg parodia; o'r gair Groeg paroidia, para- + aiden 'canu'), mewn llenyddiaeth, yw dynwared gwaith llenyddol awdur arall, neu ddynwared math arbennig o lenyddiaeth, gan ddefnyddio'r un dullweddau. Bwriad parodi yw creu doniolwch ar draul yr hyn sy'n cael ei barodïo. Gallai'r doniolwch fod yn hwyl diniwed neu'n ffordd o ddychanu rhywun neu rywbeth. Yn aml mae parodi yn ddynwarediad bwriadol sâl a chwerthinllyd, ond mae'n medru bod yn waith mwy cynnil a soffistigedig hefyd.

Yn Gymraeg ceir yr enghreifftiau cynharaf o barodïau fel gweithiau gorffenedig yn y testunau a adnabyddir fel yr Areithiau Pros, a gyfansoddwyd tua diwedd yr Oesoedd Canol neu ddechrau'r Cyfnod Modern.

Weithiau mae awdur yn dewis parodïo ei waith ei hun, fel y gwnaeth y bardd R. Williams Parry yn ei gerdd Yr Hwyaden, sy'n barodi o'i gerdd enwog Yr Haf.

Ceir parodïau cerddorol yn ogystal.

Eginyn erthygl sydd uchod am lenyddiaeth. Gallwch helpu Wicipedia drwy ychwanegu ato.