Mynydd Carmel

Mynyddoedd yng ngogledd-orllewin Israel yw Mynydd Carmel. Mae'n ymestyn o gyffiniau Haifa ger y Môr Canoldir i'r de-ddwyrain hyd at fynyddoedd Samaria, gerllaw Jenin.

Mae arwyddocâd i Fynydd Carmel mewn sawl crefydd: Iddewiaeth, Cristnogaeth, Islam a Bahá'í. Dywedir fod y proffwyd Elias wedi byw ar y mynydd, a gelwir ogof ar y mynydd yn ogof Elias. Ar Fynydd Carmel y mae prif ganolfan y Bahá'í.