Moyshe-Leyb Halpern

Oddi ar Wicipedia
Jump to navigation Jump to search
Moyshe-Leyb Halpern
Halpern Zeichnung.jpg
Hunanbortread o Moyshe-Leyb Halpern (1927).
Ganwyd2 Ionawr 1886 Edit this on Wikidata
Zolochiv Edit this on Wikidata
Bu farw31 Awst 1932 Edit this on Wikidata
Dinas Efrog Newydd Edit this on Wikidata
DinasyddiaethUnol Daleithiau America Edit this on Wikidata
Galwedigaethbardd, ysgrifennwr Edit this on Wikidata

Bardd Americanaidd yn yr iaith Iddew-Almaeneg oedd Moyshe-Leyb Halpern (2 Ionawr 188631 Awst 1932).

Ganed ef yn Zlotchev (bellach Zolochiv, yr Wcráin), Galisia, a fu dan reolaeth Awstria-Hwngari. Aeth i Fienna yn 12 oed i gael ei hyfforddi'n baentiwr arwyddion, ac yno dysgodd am sosialaeth a llenyddiaeth Almaeneg. Dechreuodd ysgrifennu drwy gyfrwng yr Almaeneg, ond wedi iddo ddychwelyd gartref a dod dan ddylanwad awduron a deallusion Iddew-Almaeneg, trodd at yr iaith honno yn unig. Ymfudodd i Ogledd America ym 1908, a bu'n byw mewn tlodi ym Montréal ac yn Efrog Newydd.[1]

Aelod o gylch Di Yunge, beirdd ifainc Efrog Newydd a fu dan ddylanwad chwyldroadwyr Rwsia, oedd Halpern. Cyhoeddwyd ei gyfrol gyntaf o gerddi, In Nyu-York, ym 1919, gan ennill iddo sylw ei gyfoedion a llwyddiant ariannol. Cyfrannodd at y papur newydd comiwnyddol dyddiol Di frayhayt hyd at 1924, ac yn yr hwnnw cyhoeddwyd ei gerdd enwocaf, "Zlotchev, mayn heym". Cyhoeddwyd ei ail gyfrol o gerddi, Di goldene pave, ym 1924, a rhagor o'i farddoniaeth wedi ei farwolaeth yn Moyse Leyb Halpern (1934). Aeth ar sawl taith trwy'r Unol Daleithiau yn darllen ei gerddi i gynulleidfaoedd. Bu farw Moyshe-Leyb Halpern yn Efrog Newydd yn 46 oed.[1]

Cyfeiriadau[golygu | golygu cod y dudalen]

  1. 1.0 1.1 (Saesneg) Moyshe Leyb Halpern. Encyclopædia Britannica. Adalwyd ar 6 Rhagfyr 2021.