Morgan Jones

Oddi ar Wicipedia
Jump to navigation Jump to search

Cyflwynydd teledu o Gymro yw Morgan Jones (ganwyd Rhagfyr 1971).

Bywyd cynnar ac addysg[golygu | golygu cod y dudalen]

Ganwyd a magwyd Morgan yn mhentre Trefor. Mae'n byw yno gyda'i wraig Cêt ac mae ganddynt ddau blentyn.

Aeth i Ysgol Trefor ac yna i Brifysgol Bangor lle graddiodd yn 1994 gyda gradd BA dosbarth cyntaf yn y Gymraeg. Cafodd PhD gan Brifysgol Cymru yn 2000 am ei draethawd ymchwil ar farddoniaeth y 16g.[1]

Gyrfa[golygu | golygu cod y dudalen]

Mae'n fwyaf adnabyddus am ei rôl fel cyflwynydd y rhaglen bêl-droed Sgorio ar S4C, ac wedi gwneud y swydd ers 2001. Mae ei diddordeb cyffredinol mewn chwaraeon wedi ei weld yn cyflwyno Ras yr Wyddfa a Marathon Eryri am nifer o flynyddoedd.[2] Mae hefyd yn cyflwyno darllediadau byw o ddigwyddiadau diwylliannol mawr yng Nghymru, gan gynnwys yr Eisteddfod Genedlaethol, Eisteddfod yr Urdd, Eisteddfod Ryngwladol Llangollen a sioe Frenhinol Cymru. Aeth y gyfres 'Digwyddiadau' ag ef i ddigwyddiadau amrywiol ledled y wlad am sawl blwyddyn.

Mae ganddo cefndir cerddorol, a rhoddodd hyn y cyfle iddo gyflwyno Côr Cymru a Band Cymru. Mae hefyd yn cyflwyno cystadleuaeth Canwr y Byd ac yn aml wedi cyflwyno Ysgoloriaeth Bryn Terfel. Mae Morgan hefyd wedi cyflwyno y cwis rhaglenni "0 ond 1" a Tipit gyda Alex Jones.[3]

Dolenni allanol[golygu | golygu cod y dudalen]

Cyfeiriadau[golygu | golygu cod y dudalen]