Morfydd E. Owen
| Morfydd E. Owen | |
|---|---|
| Ganwyd | Morfydd Elizabeth Owen  26 Ionawr 1936 Fochriw |
| Bu farw | 17 Mawrth 2024 Llanfarian |
| Dinasyddiaeth |  Cymru |
| Galwedigaeth | hanesydd, academydd |
Academydd o Gymraes oedd y Dr Morfydd E. Owen (26 Ionawr 1936 – 17 Mawrth 2024).[1] Roedd yn arbenigwraig ar destunau cyfreithiol a meddygol yr Oesoedd Canol.[2]
Fe'i ganwyd yn unig ferch i Edward a Phyllis Owen,[3] ac fe'i magwyd yn Ivy Cottage ym mhentre’ Fochriw. Roedd teulu ei thad-cu, Mordecai Evans, yn hanu o fferm fynydd yn Nefynnog. Pan oedd Morfydd yn hŷn symudodd ei rhieni i fyw yn agos at Lyn Syfaddan yn Llan-gors.
Roedd yn un o dîm prosiect Beirdd y Tywysogion ac yn un o Gymrodyr Hŷn y Ganolfan Uwchefrydiau Cymreig a Cheltaidd yn Aberystwyth. Roedd yn un o sylfaenwyr Seminar Cyfraith Hywel yn y 1970au, a bu’n Ysgrifennydd i’r Seminar am 36 o flynyddoedd.[4]
Cyhoeddwyd y gyfrol ysgrifau Cyfarwydd Mewn Cyfraith er anrhydedd iddi, gan Gymdeithas Hanes Cyfraith Cymru yn 2017.
Bywyd personol[golygu | golygu cod]
Priododd ei gŵr Howard Davies (5 Tachwedd 1924 – 27 Mehefin 2012)[5] yng Nghapel y Plough yn Aberhonddu. Roedd Howard yn feddyg a darlithydd ac roedd ganddo un ferch o'i briodas gyntaf, Melanie. Gyda'i gilydd cawsant ddau blentyn, Luned a Bríd.
Bu farw Morfydd yn 88 mlwydd oed. Cafwyd gwasanaeth angladdol cyhoeddus yn Eglwys Llanychaearn ger Llanfarian ar ddydd Mercher, 27 Mawrth 2024 am 2 y prynhawn.
Cafwyd teyrnged iddi gan Ganolfan Uwchefrydiau Cymreig a Cheltaidd - "Diolchwn am ei chyfraniad sylweddol i ysgolheictod, a’i chyfeillgarwch a’i chefnogaeth ar hyd y blynyddoedd".
Cafwyd teyrnged hefyd gan Wasg Prifysgol Cymru yn dweud "Meddai ar ysgolheictod disglair, a chyhoeddodd weithiau helaeth yn ymdrin â barddoniaeth llys a rhyddiaith ganoloesol Cymru".
Cyhoeddiadau[golygu | golygu cod]
- Drych yr Oesoedd Canol (Gwasg Prifysgol Cymru, 1986, ISBN 9780708309018)
- Beirdd a Thywysogion (Gwasg Prifysgol Cymru, 1996, ISBN 9780708312766)
- The Welsh Law of Women (Gwasg Prifysgol Cymru, 1992 ac 2017, ISBN 9781786831590)
Cyfeiriadau[golygu | golygu cod]
- ↑ "Index entry". FreeBMD. ONS. Cyrchwyd 19 March 2024.
- ↑ "Teyrngedau i Dr Morfydd E. Owen". Golwg360. 2024-03-19. Cyrchwyd 2024-03-19.
- ↑ "Click here to view the tribute page for Morfydd Elizabeth DAVIES". funeral-notices.co.uk (yn Saesneg). Cyrchwyd 2024-03-24.
- ↑ Elias, Gwenno Angharad (2022). "DR MORFYDD E. OWEN - A THRADDODIADAU BRYCHEINIOG" (PDF). Cyrchwyd 2024-03-19.
- ↑ "Dr Howard Eaton Freeman Davies (1924- 2012)". British Geriatrics Society (yn Saesneg). Cyrchwyd 2024-03-19.