Minusinsk

Oddi ar Wicipedia
Jump to navigation Jump to search
Minusinsk
Минусинский краеведческий музей.JPG
Coat of Arms of Minusinsk (1854).png
Math tref/dinas Edit this on Wikidata
Poblogaeth 68,007 Edit this on Wikidata
Sefydlwyd
  • 1739 Edit this on Wikidata
Gefeilldref/i Norilsk Edit this on Wikidata
Daearyddiaeth
Sir Minusinsk Urban District Edit this on Wikidata
Gwlad Baner Rwsia Rwsia
Arwynebedd 62 km² Edit this on Wikidata
Uwch y môr 250 metr Edit this on Wikidata
Cyfesurynnau 53.7°N 91.6833°E Edit this on Wikidata
Cod post 662600 Edit this on Wikidata
Baner Minusinsk
Steppe Minusinsk gan Vasily Surikov

Tref hanesyddol yn Crai Krasnoyarsk, Rwsia, yw Minusinsk (Rwseg: Минуси́нск), a leolir ar gymer (insk) Afon Minusa yn Afon Yenisei yn ne Siberia. Poblogaeth: 71,170 (Cyfrifiad 2010).

Archaeoleg[golygu | golygu cod y dudalen]

Gorwedd Minusinsk yng nghanol Pant Minusinsk, sy'n ardal o ddiddordeb archaeolegol mawr a gysylltir a diwylliannau cynhanesyddol Afanasevo, Tashtyk, a Tagar - i gyd yn cael eu henwi ar ôl pentrefi ger Minusinsk.

Hanes[golygu | golygu cod y dudalen]

Sefydlwyd Minyusinskoye (Минюсинское) yn y cyfnod 1739-40 ar gymer Afon Minusa yn Afon Yenisei. Newidiodd yr enw i Minusinskoye (Минусинское) yn 1810.[1]

Erbyn 1822, roedd Minusinsk wedi datblygu yn ganolfan ffermio a masnach ranbarthol a chafodd statws tref. Yn ystod y 19g daeth yn ganolfan ddiwyllianol i ardal eang o'i chwmpas. Agorodd Amgueddfa Hanes Natur Martyanov yno yn 1877.[1] Mae'n dal yn agored ac yn weithgar heddiw. Denai'r dref a'r ardal artistiaid Rwsiaidd hefyd, er enghraifft y paentiwr Vasily Surikov.

Yn nes ymlaen, daeth y dref a'i hamgueddfa yn noddfa ymenyddol i weithredwyr gwleidyddol a chwyldroadwyr a alltudwyd o Rwsia Ewropeaidd yn y 1880au. Arferai Vladimir Lenin ymweld â Minusinsk yn rheolaidd pan oedd mewn alltudiaeth wleidyddol ym mhentref cyfagos Shushenskoye o 1897 hyd 1900.

Cyfeiriadau[golygu | golygu cod y dudalen]

  1. 1.0 1.1 Н. И. Дроздов, В. С. Боровец "Енисейский энциклопедический словарь". Krasnoyarsk, 1998 (ISBN 5883290051), pp. 391.

Dolen allanol[golygu | golygu cod y dudalen]