Mark J. Williams
| Mark J. Williams | |
|---|---|
 | |
| Ganwyd | Mark James Williams  21 Mawrth 1975 Cwm |
| Dinasyddiaeth |  Cymru |
| Galwedigaeth | chwaraewr snwcer |
| Gwobr/au | MBE, Snooker Hall of Fame |
| Gwefan | https://markwilliamssnooker.com/ |
| Chwaraeon | |
| Gwlad chwaraeon | Cymru |
Chwaraewr snwcer o Gwm, Blaenau Gwent yw Mark James Williams (ganwyd 21 Mawrth 1975).
Mae wedi ennill 22 twrnamaint graddedig, gan gynnwys tri Pencampwriaeth Byd, a'r chwaraewr llaw chwith cyntaf i ennill Pencampwriaeth Byd.
Yn 1996 enillodd Pencampwriaeth Agored Cymru a'r Grand Prix, ac yna yn 1998 enillodd y Masters. Roedd tymor 1999/2000 yn bwysig yn ei yrfa pan enillodd Pencampwriaeth y Deyrnas Unedig a Phencampwriaeth y Byd ynghyd â nifer o enillion eraill i gyrraedd y reng gyntaf Yn 2002/2003 enillodd y Deyrnas Unedig, y Masters a Phencampwriaeth y Byd. Gwnaeth hyn ef y pedwerydd chwaraewr i ddal y tri teitl ar yr un pryd, gan ddilyn Stephen Hendry, Steve Davis a John Higgins
Ar yr 20 Ebrill 2005 daeth y Cymro cyntaf, a'r pumed yn hanes Pencampwriaeth y Byd i wneud 147.
Ei hyfforddwr oedd Terry Griffiths ond yn Ebrill 2006 daeth hynny i ben er iddynt barhau yn ffrindiau.
Cyfeirir ato yn aml fel Mark J. Williams i'w wahaniaethu â Mark James arall o Loegr a oedd yn chwarae snwcer yn y 90au
Yn 2018, daeth yn Bencampwr y Byd am y trydydd tro, 15 mlynedd ar ôl ennill ddiwethaf. Curodd yr Albanwr John Higgins o 18-16 ffrâm.[1]
Ym mis Mai 2025, yn 50 oed, daeth Williams y dyn hynaf erioed i chwarae yn rownd derfynol Pencampwriaeth Snwcer y Byd.[2] Collodd yn y ffeinal yn erbyn Zhao Xintong o 18 ffram i 12.[3]
Cyfeiriadau
[golygu | golygu cod]- ↑ Mark Williams, pencampwr byd am y trydydd tro , Golwg360, 8 Mai 2018.
- ↑ "Mark Williams yn chwarae yn rownd derfynol Pencampwriaeth Snwcer y Byd". BBC Cymru Fyw. 4 Mai 2025. Cyrchwyd 4 Mai 2025.
- ↑ "Mark Williams yn colli yn rownd derfynol Pencampwriaeth Snwcer y Byd". BBC Cymru Fyw. 2025-05-05. Cyrchwyd 2025-05-05.