Manuel I Komnenos

Oddi ar Wicipedia
Jump to navigation Jump to search
Manuel I Komnenos
Manuel I Comnenus.jpg
Ganwyd 28 Tachwedd 1118 Edit this on Wikidata
Caergystennin Edit this on Wikidata
Bu farw 24 Medi 1180 Edit this on Wikidata (61 oed)
Caergystennin Edit this on Wikidata
Dinasyddiaeth Yr Ymerodraeth Fysantaidd Edit this on Wikidata
Galwedigaeth ymerawdwr Edit this on Wikidata
Swydd Byzantine emperor, ymerawdwr Rhufain Edit this on Wikidata
Tad Ioan II Komnenos Edit this on Wikidata
Mam Irene of Hungary Edit this on Wikidata
Priod Maria of Antioch, Bertha of Sulzbach Edit this on Wikidata
Plant Alexios II Komnenos, Maria Komnene, Alexios Komnenos Edit this on Wikidata
Llinach Komnenos Edit this on Wikidata
Llun Manuel I Komnenos mewn llawysgrif

Ymerawdwr Bysantaidd rhwng 1143 a 1180 oedd Manuel I Komnenos neu Comnenus, Groeg: Μανουήλ Α' Κομνηνός, Manouēl I Komnēnos neu Μανουήλ o Μέγας, "Manuel Fawr" (28 Tachwedd, 1118 - 24 Medi, 1180).

Roedd Manuel yn bedwerydd mab yr ymerawdwr Ioan II Komnenos. Penododd ei dad Manuel yn olynydd yn hytrach na'i frawd hynaf Isaac Komnenos wedi iddo chwarae rhan bwysig yn y rhyfeloedd yn erbyn y Twrciaid. Wedi dod yn ymerawdwr ar farwolaeth ei dad yn 1143, bu'n ymgyrchu yn y dwyrain a'r gorllewin. Gwnaeth gynghrair a Theyrnas Jeriwsalem a gyrrodd lynges fawr i gymeryd rhan mewn ymosodiad ar yr Aifft. Ymestynnodd ei awdurdod dros wladwriaethau'r croesgadwyr, gyda Raynald, Tywysog Antioch ac Amalric, brenin Jeriwsalem yn gwneud cytundebau oedd yn cydnabod ei awdurdod. Gyrrodd fyddin i'r Eidal yn 1155, ond bu raid iddi encilio oherwydd anghydfod gyda'i gyngheiriaid. Ymosododd ar Deyrnas Hwngari yn 1167, gan orchfygu'r Hwngariaid ym Mrwydr Sirmium. Erbyn 1168 roedd bron y cyfan o arfordir dwyreiniol y Môr Adriatig yn nwylo'r ymerodraeth. Gwnaeth nifer o gytundebau a'r Pab ac a theyrnasoedd Cristionogol y gorllewin, a llwyddodd i sicrhau fod byddinoedd yr Ail Groesgad yn mynd trwy ei diriogaethau heb drafferth.

Yn y dwyrain, gorchfygwyd ef gan y Twrciaid ym Mrwydr Myriokephalon yn 1176, ond llwyddodd ei gadfridog, Ioan Vatatzes, i adfer y sefyllfa.