Louis Mahoney
| Louis Mahoney | |
|---|---|
| Ganwyd | 8 Medi 1938  Y Gambia |
| Bu farw | 28 Mehefin 2020 |
| Dinasyddiaeth | Y Gambia |
| Alma mater |
|
| Galwedigaeth | actor, actor ffilm, actor teledu |
Actor Prydeinig a anwyd yn y Gambia oedd Louis Felix Danner Mahoney (8 Medi 1938 – 28 Mehefin 2020[1]). Gwnaeth ei gartref yn Hampstead, Llundain. Roedd yn ymgyrchydd gwrth-hiliaeth ac wedi ymgyrchu am amser hir dros gydraddoldeb hiliol o fewn y byd actio. Cynrychiolodd aelodau Affricanaidd-Asiaidd ar gyngor yr undeb actorion, Equity, gan ddod yn Is-lywydd rhwng 1994 a 1996.[2]
Gyrfa[golygu | golygu cod]
Ganed Mahoney yn Y Gambia ym 1938. Ar ddiwedd y 1950au ymfudodd i Loegr, yn wreiddiol i astudio i fod yn feddyg, ond cefnodd ar ei uchelgais ar gyfer gyrfa feddygol i ddod yn fyfyriwr ysgol ddrama yn y 1970au.[2][3]
Cafodd ei weld gan amlaf ar y teledu mewn cyfresi fel: Danger Man, Dixon of Dock Green, Z-Cars, The Troubleshooters, Menace, Special Branch, Doctor Who (yn y straeon Frontier in Space, Planet of Evil a Blink), Quiller, Fawlty Towers (fel Dr Finn yn The Germans, 1975), The Professionals (fel Dr Henry yn y bennod Klansmen, na ddarlledwyd erioed ar deledu daearol yn y DU), Miss Marple, Yes, Prime Minister, Bergerac, The Bill, Casualty, Holby City a Sea of Souls.
Roedd ei ffilmiau yn cynnwys The Plague of the Zombies (1966), Omen III: The Final Conflict (1981), Rise and Fall of Idi Amin (1981), White Mischief (1987), Cry Freedom (1987), Shooting Fish (1997), Wondrous Oblivion (2003) a Shooting Dogs (2005).
Fe ymddangosodd yn rhaglen ddogfen Channel 4 Random (2011) ac yn nrama BBC Three Being Human (2012) fel Leo, bleidd-ddyn oedrannus ar farw.
Roedd ei ymddangosiad teledu olaf ar y chwaer-gyfres i Tracy Beaker ar CBBC, The Dumping Ground, yn chwarae Henry Lawrence, taid Charlie Morris (Emily Burnett).
Bu farw ar 28 Mehefin 2020, yn 81 oed.
Gwaith ymgyrchu[golygu | golygu cod]
Roedd Mahoney yn ymgyrchydd dros gydraddoldeb hiliol o fewn y byd actio, fel aelod o'r Pwyllgor Affro-Asiaidd Equity (a elwid gynt yn Bwyllgor yr Actorion Lliwiedig nes iddo ef ei ailenwi). Sefydlodd Performers Against Racism i amddiffyn polisi Equity ar Dde Affrica,[2] a cyd-sefydlodd, gyda Mike Phillips, y Black Theatre Workshop ym 1976.
Ffilmyddiaeth[golygu | golygu cod]
| Blwyddyn | Teitl | Rhan | Nodiadau |
|---|---|---|---|
| 1964 | Guns at Batasi | Milwr | Heb gydnabyddiaeth |
| 1965 | Curse of Simba | Arbenigwr o Affrica | |
| 1966 | The Plague of the Zombies | Gwas Lliw | |
| 1967 | Prehistoric Women | Prif Fachgen | |
| 1970 | Praise Marx and Pass the Ammunition | Julius | |
| 1973 | Live and Let Die | Fillet of Soul Patron (Efrog Newydd) | Heb gydnabyddiaeth |
| Doctor Who | Newyddiadurwr | 2 bennod, Frontier in Space | |
| 1974 | Whatever Happened to the Likely Lads? | Frank | 1 bennod, "In Harm's Way" |
| 1975 | Doctor Who | Ponti | 2 bennod, Planet of Evil |
| Fawlty Towers | Doctor Finn | 1 bennod; Yr Almaenwyr | |
| 1981 | Omen III: The Final Conflict | Brawd Paulo | |
| Rise and Fall of Idi Amin | Ymladdwr rhyddid Ofumbi | ||
| 1984 | Sheena | Hynaf 1 | |
| 1987 | Cry Freedom | Swyddog llywodraeth Lesotho | |
| White Mischief | Abdullah | ||
| 1997 | Shooting Fish | Ynad | |
| 2003 | Wondrous Oblivion | Johnson | |
| 2005 | Shooting Dogs | Sibomana | |
| Holby City | Raymond Opoku | 1 bennod | |
| 2007 | Doctor Who | Hen Billy | 1 bennod; Blink |
| 2013 | Captain Phillips | Criw Maersk Alabama | |
| 2016 | Holby City | Thomas Law | 1 bennod |
| 2018 | National Theatre Live: Allelujah! | Neville | |
| The Dumping Ground | Henry Lawrence |
Cyfeiriadau[golygu | golygu cod]
- ↑ Louis Mahoney: Trailblazing actor and activist dies at 81 (en) , BBC News, 30 Mehefin 2020.
- ↑ 2.0 2.1 2.2 "Louis Mahoney", Forward to Freedom: A history of the British Anti-Apartheid Movement 1959–1994, 2013.
- ↑ Louis Mahoney Biography at IMDb.
Dolenni allanol[golygu | golygu cod]
- Louis Mahoney ar wefan Internet Movie Database