John Hawkwood

Oddi ar Wicipedia
Jump to navigation Jump to search
John Hawkwood
John hawkwood.jpg
Ganwyd 1320 Edit this on Wikidata
Sible Hedingham Edit this on Wikidata
Bu farw 1394 Edit this on Wikidata
Fflorens Edit this on Wikidata
Dinasyddiaeth Teyrnas Lloegr Edit this on Wikidata
Galwedigaeth condottieri, marchog Edit this on Wikidata
Priod Donnina Visconti Edit this on Wikidata

Hurfilwr o Sais oedd Syr John Hawkwood (Eidaleg: Giovanni Acuto; tua 132016 neu 17 Mawrth 1394) ac oedd yn un o condottieri amlycaf y 14g.

Ganed yn Sible Hedingham, Essex, yn fab i farcer. Aeth yn filwr yn ystod cyfnod cynnar y Rhyfel Can Mlynedd, ac mae'n debyg iddo gael ei urddo'n farchog gan y Brenin Edward III am frwydro yn erbyn y Ffrancod. Cafwyd cadoediad yn sgil Cytundeb Brétigny (1360), a phenderfynodd Hawkwood arwain cwmni ei hun o filwyr am dâl. Tua 1363 aeth i'r Eidal i ymuno â llu o hurfilwyr Seisnig o enw'r Cwmni Gwyn mewn gwasanaeth Gweriniaeth Pisa, ac yn Ionawr 1364 fe'i etholwyd yn ben-capten arnynt. Tynnodd Hawkwood ar ei brofiadau yn Ffrainc drwy ddefnyddio'r bwa hir a symudiadau chwim ar faes y gad, gydag arfwisg a chyfarpar ysgafn, ac enillodd barch am ddisgyblaeth ei luoedd a'i dactegau.[1]

Yn y cyfnod 1372–78 brwydrodd Hawkwodd dros y Babaeth a Milan. Ym 1377 priododd â Donnina Visconti, merch anghyfreithlon Bernabò Visconti, Arglwydd Milan. Penodwyd Hawkwood yn gapten ar Weriniaeth Fflorens ym 1378, a pharhaodd i ymladd dros gyflogwyr eraill. Ym 1382 gwerthodd Hawkwodd ei diroedd ger Ravenna, yn rhanbarth y Romagna, a roddwyd iddo gan y pab, a phrynodd ystadau ar gyrion Fflorens. Derbyniodd ddinasyddiaeth anrhydeddus oddi ar Fflorens ym 1391. Dechreuodd Hawkwood baratoi i ddychwelyd i Loegr yn niwedd ei oes, a gwerthodd ei ystadau yn yr Eidal ym 1394, ond bu farw yn Fflorens cyn iddo allu symud yn ôl i'w famwlad.[1]

Cyfeiriadau[golygu | golygu cod y dudalen]

  1. 1.0 1.1 (Saesneg) Sir John Hawkwood. Encyclopædia Britannica. Adalwyd ar 1 Awst 2020.

Darllen pellach[golygu | golygu cod y dudalen]

  • William Caferro, John Hawkwood: An English Mercenary in Fourteenth-Century Italy (Baltimore: Johns Hopkins University Press, 2006).
  • Stephen Cooper, Sir John Hawkwood: Chivalry and the Art of War (Barnsley, De Swydd Efrog: Pen & Sword Military, 2008).
  • Frances Stonor Saunders, Hawkwood: Diabolical Englishman (Llundain: Faber and Faber, 2004).