Rheilffordd dreftadaeth

Oddi ar Wicipedia
(Ailgyfeiriad oddi wrth Heritage railway)
Jump to navigation Jump to search
Maunsel U class no. 1638 Bluebell railway (5).jpg
Data cyffredinol
Mathllinell rheilffordd, amgueddfa reilffordd, amgueddfa awyr agored, treftadaeth ddiwylliannol Edit this on Wikidata
Tudalen Comin Ffeiliau perthnasol ar Gomin Wicimedia

Mae rheilffordd dreftadaeth yn rheilffordd a gynhelir ar gyfer ei werth hanesyddol, naill ai oherwydd y lein ei hun, yr hanes sydd yn gysylltideig â hi, neu'r stoc a redir neu a arferid rhedeg ar y lein. Fel arfer mae'r rheilffyrdd hyn yn cynnig teithiau i'r cyhoedd fel gweithgaredd hamdden, ac y mae'r rhan fwyaf yn dibynnu (i raddau o leiaf) ar wirfoddolwyr i'w rhedeg ac i'w hariannu. Ceir y rheilffyrdd hyn ar draws y byd, o'r Unol Daleithiau i Seland Newydd, fel arfer yn y gwledydd mwyaf goludog.

Er bod nifer o reilffyrdd treftadaeth wedi ceisio ail agor leiniau gyda'r bwriad o gynnig gwasanaeth cludiant masnachol, mae'r rhan fwyaf wedi methu â denu teithwyr lleol digonol i lwyddo. Rheilffyrdd twristiaid ydyw bron pob un felly, er eu bod yn elfen bwysig iawn yn y dehongliad o hanes trafnidiaeth. Mae'r rhai gorau, megis Rheilffordd Ffestiniog, Rheilffordd Talyllyn, Rheilffordd Dyffryn Hafren, Rheilffordd Gorllewin Gwlad yr Haf, Rheilffordd Bluebell a Rheilffordd Rhosydd Gogledd Swydd Efrog yn ail-greu naws ac awyrgylch oes stêm y rheilffyrdd ac yn gwarchod darnau pwysig o'r dreftadaeth ddiwydiannol, yn cynnwys injans, coetsis a gwagenni, signalau, ac adeiladau rheilffordd.

Fel arfer, mae cymdeithas o gefnogwyr ynghlwm wrth y rheilffyrdd unigol hyn. Y gymdeithas gyntaf yn y byd i gael ei ffurfio gyda'r bwriad o brynu, gwarchod a rhedeg rheilffordd dreftadaeth oedd Cymdeithas Cadwraeth Rheilffordd Talyllyn.

Train template.svg Eginyn erthygl sydd uchod am reilffordd. Gallwch helpu Wicipedia drwy ychwanegu ato.