Handlyng Synne

Llenyddiaeth Saesneg Canol
Barddoniaeth gynnar Ormulum Cursor Mundi
Y rhamant King Horn Floris and Blancheflour Of Arthour and of Merlin Ywain and Gawain The Siege of Troy King Alisaunder
Yr adfywiad cyflythrennol William Langland (Piers Plowman)
Oes Chaucer Geoffrey Chaucer (The Canterbury Tales) John Gower
← Hen Saesneg Llên Lloegr 16g →

Traethawd Cristnogol mydryddol yn Saesneg Canol yw Handlyng Synne a ysgrifennwyd gan Robert Mannyng, mynach o Swydd Lincoln, yn 1303. Mae'n seiliedig ar y gerdd ddidactig Eingl-Normaneg Manuel de Pechiez gan Wilham de Waddington. Llinellau wythsill yw mesur y gerdd, a chanddi ryw 12,600 o linellau i gyd.

Mae'n ymwneud â phechod ac yn cynnwys trafodaethau o foesoldeb Cristnogol megis y Deg Gorchymyn, y saith pechod marwol, y saith sacrament, halogiad, a phenyd ac elfennau eraill y gyffes. Straeon damhegol sy'n lliwio pob pechod, mewn modd tebyg i Confessio Amantis a gyfansoddwyd gan John Gower yn niwedd y 14g. Mae nifer o'r esiamplau moesol heb eu tynnu o'r Manuel. Y stori enwocaf o'r gerdd, a gynhwysir mewn sawl casgliad o lenyddiaeth Saesneg Canol, ydy "The Dancers of Colbek".