Gwesty'r Copthorne, Caerdydd

Oddi ar Wicipedia
Jump to navigation Jump to search
Gwesty'r Copthorne, Caerdydd
Gwybodaeth gyffredinol
Lleoliad Copthorne Way, Croes Cwrlwys, Caerdydd
Agorwyd 1993

Gwesty pedwar seren (pum seren yn flaenorol) yw Gwesty'r Copthorne (Saesneg: Copthorne Hotel Cardiff-Caerdydd)yng Nghroes Cwrlwys, maestref ddwyreiniol o Gaerdydd, prifddinas Cymru.

Gweithredir y gwesty gan gwmni Millennium & Copthorne. Mae wedi ei leoli ger trosglwyddydd Wenfo, oddi ar ffordd yr A4050 ger cylchfan Croes Cwrlwys (sy'n cysylltu'r A48 a'r A4232).

Mae gan y gwesty 135 ystafell wely a phwll nofio, ystafell ager, sawna, trobwll a champfa.[1] Fe'i hadeiladwyd yn 1993 ac mae llyn o flaen y gwesty - yn wreiddiol adeiladwyd twmpath o'i flaen i guddio'r llyn o olwg y ffordd.

Y gwesty oedd un o'r datblygiadau cyntaf ar safle Croes Cwrlwys yn ystod ffyniant y safle drwy'r 1990au. Erbyn heddiw mae'r gwesty wedi ei amgylchynu gan nifer o siopau manwerthu.

Roedd y gwesty yn y newyddion yn y 2000au cynnar ar ôl i ddau westai farw o glefyd y llengfilwyr, a achoswyd gan leithydd wedi ei osod yn anghywir. Dirwyd y gwesty £40,000 ar ben costau o £15,000.[2]

Cyfeiriadau[golygu | golygu cod y dudalen]

  1. "Four Star Luxury In A Peaceful, Central Location". Millennium & Copthorne Hotels. Cyrchwyd 2010-01-29.
  2. "Legionnaires' deaths hotel fined". BBC News. 9 November 2005. http://news.bbc.co.uk/1/hi/wales/4421316.stm. Adalwyd 2015-06-30.

Dolennau allanol[golygu | golygu cod y dudalen]