Guadalupe, Cáceres
Oddi ar Wicipedia
Tref (municipio) yn nhalaith Cáceres yng nghymuned ymreolaethol Extremadura yn Sbaen yw Guadalupe. Mae'r boblogaeth yn 2,396. Yn ôl traddodiad, cafodd gwladwr o'r enw Gil Cordero o Alía hyd i ddelw o'r Forwyn Fair tua diwedd y 13g neu ddechrau'r 14g. Tyfodd sefydliad eglwysig yma, ac yna bentref o'i gwmpas. Mae'r fynachlog Real Monasterio de Nuestra Señora de Guadalupe a adeiladwyd yn y 14eg a'r 15g yn gasgliad o adeiladau nodedig iawn, gyda dylanwad mudéjar cryf ar y bensaerniaeth. Yn 1993 enwyd y fynachlog yn Safle Treftadaeth y Byd gan UNESCO.
