Google

Google Inc.
Google Inc.
Math	Cyhoeddus
Sefydlwyd	Menlo Park, Califfornia, UDA (1998)
Pencadlys	Mountain View, Swydd Santa Clara, Califfornia, Unol Daleithiau America
Ardal wasanaethu	Byd-eang (heblaw Tsieina)
Pobl blaenllaw	Eric E. Schmidt, CEO/Cyfarwyddwr; Sergey Brin, Arlywydd Technoleg; Larry E. Page, Arlywydd Cynnyrch ; George Reyes, CFO
Diwydiant	Rhyngrwyd
Cynnyrch	Peiriant chwilio
Refeniw	$109.65 biliwn USD (2017)
Incwm net	$31 biliwn USD (2018)
Gweithwyr	85,050 (2018)
Gwefan	www.google.com

Cwmni cyhoeddus Americanaidd sy'n darparu gwasanaethau rhyngrwyd yw Google Inc. Ei beiriant chwilio yw'r mwyaf o ran maint a phoblogrwydd ar y we, a cheir fersiynau ar gyfer y rhan fwyaf o wledydd y byd, mewn dros gant o ieithoedd. Mae'n defnyddio amryw o ffactorau er mwyn asesu pwysigrwydd gwefan.

Mae'r enw "Google" yn chwarae ar y gair "googol", sef 10¹⁰⁰ (1 wedi'i ddilyn gan gant o seroau). Mae Google wedi dod yn enwog am ei ddiwylliant corfforaethol a'i gynnyrch newydd a datblygiedig, ac wedi cael effaith enfawr ar ddiwylliant ar-lein. Mae'r ferf Saesneg "google" wedi dod i olygu "i chwilio'r we am wybodaeth", ac mae "googlo" neu "gwglo" wedi ymddangos ar rai gwefannau Cymraeg fel cyfieithiad e.e. "Wyt ti wedi gwglo'r gair 'roced'?".

Un o fentrau diweddaraf Google yw buddsoddiad sylweddol, gyda In-Q-Tel (arf buddsoddi'r CIA) ac Amazon, yn y cwmni newydd Recorded Future, prosiect hel gwybodaeth arlein yn fyw trwy chwilio'n drwyadl degau o filoedd o wefannau, blogiau a chyfrifon Twitter gan gysylltu'r wybodaeth ar unwaith i greu darlun o bwy sy'n gwneud be a phwy sy'n cysylltu gyda phwy ar y rhyngrwyd.^[1]