Frank Ash Yeo

Oddi ar Wicipedia
Jump to navigation Jump to search
Frank Ash Yeo
Portrait of F.A.Yeo (4671080) (cropped).jpg
Ganwyd 1832 Edit this on Wikidata
Bu farw 4 Mawrth 1888 Edit this on Wikidata
Dinasyddiaeth Teyrnas Unedig Prydain Fawr ac Iwerddon Edit this on Wikidata
Galwedigaeth Gwleidydd Edit this on Wikidata
Swydd Aelod o 24ain Senedd y Deyrnas Unedig, Aelod o 23ain Senedd y Deyrnas Unedig Edit this on Wikidata
Plaid Wleidyddol Plaid Ryddfrydol Edit this on Wikidata

Roedd Frank Ash Yeo (18 Awst 18324 Mawrth 1888) yn ddiwydiannwr ac yn wleidydd Rhyddfrydol a gynrychiolodd etholaeth Gŵyr fel Aelod Seneddol

Bywyd Personol[golygu | golygu cod y dudalen]

Ganwyd Yeo yn Bideford, Dyfnaint, yn fab i Thomas Yeo ac Elizabeth Woollacott ei wraig Cafodd ei addysgu yn ysgol leol Bideford cyn mynd ar daith addysgol i'r Almaen a Ffrainc.[1]

Bu'n briod ddwywaith; ei wraig gyntaf oedd Sarah ferch Richard Cory, Caerdydd a chwaer i Thomas Cory, bu iddynt fab a ddwy ferch, ond bu Sarah farw wrth roi genedigaeth i'r ferch ieuengaf ar 6 Mehefin 1863.[2]

Ym 1868 priododd ei ail wraig Mary merch George Dawson o South Allerton, Swydd Efrog a bu iddynt un mab ac un ferch.[3]

Gyrfa[golygu | golygu cod y dudalen]

Wedi dychwelyd i wledydd Prydain ym 1854 symudodd i Abertawe i weithio mewn partneriaeth gyda'i gefnder (ei frawd yng nghyfraith wedyn) Thomas Cory a oedd yn ddiwydiannwr amlwg yng Nghaerdydd ac Abertawe, gan sefydlwyd cwmni Corey, Yeo & Co, perchnogion glofeydd a chynhyrchwyr tanwydd patent.

Bu'n aelod o Ymddiriedolaeth Harbwr Abertawe gan gadeirio'r Ymddiriedolaeth ym 1878 ac yr oedd yn gyfrifol am sicrhau gwella'r harbwr i sicrhau bod modd i'r llongau ager mawr newydd yr oedd yn berchennog arnynt yn cael defnyddio'r harbwr.

Roedd yn is gadeirydd Cymdeithas y Perchenogion Glofeydd ac yn gyfarwyddwr Cwmni Banc Abertawe

Gyrfa Wleidyddol[golygu | golygu cod y dudalen]

Ym 1874 cafodd Yeo ei ethol yn faer Abertawe gan ddefnyddio ei swydd i wella ansawdd tai'r dref ac i gau lawr puteindai yn ardal y dociau.

Yn etholiad cyffredinol 1885 cafodd ei ethol yn Aelod Seneddol etholaeth newydd Gŵyr gan dal y sedd hyd ei farwolaeth dim ond 3 mlynedd yn ddiweddarach.

Ym 1886 cafodd ei ethol yn Faer Abertawe am yr ail waith.

Marwolaeth[golygu | golygu cod y dudalen]

Bu farw yn ei gartref Neuadd Sgeti, Abertawe ym 1888 yn 56 mlwydd oed a chladdwyd ei weddillion ym mynwent capel annibynnol y Sgeti[4]

Cyfeiriadau[golygu | golygu cod y dudalen]

  1. Dydd 9 Mawrth 1888 Newyddion [1] adalwyd 14 Ebrill 2015
  2. Family Notices Cardiff Times 12 Mehefin 1863 [2] adalwyd 14 Ebrill 2015
  3. Death of Mr Yeo, M.P Cardiff Times - 10 Mawrth 1888 [3] adalwyd 14 Ebrill 2015
  4. Marwolaeth Mr Yeo AS Tarian Y Gweithiwr 8 Mawrth 1888 [4] adalwyd 14 Ebrill 2015
Senedd y Deyrnas Unedig
Rhagflaenydd:
etholaeth newydd
Aelod Seneddol Gŵyr
18851888
Olynydd:
David Randell