Ffynnon Badrig, Llanbadrig

Oddi ar Wicipedia
Jump to navigation Jump to search
Eglwys Llanbadrig

Mae Ffynnon Badrig wedi ei lleoli ym mhentref Llanbadrig ar Ynys Môn.

Mae yna ddwy ffynnon yn perthyn i Badrig yn y pentref. Mae un ger yr eglwys ac mae’r llall yn nwyrain y pentref wrth ymyl Borthwen. Roedd y ffynnon wedi ei hesgeuluso ar ddechrau’r 20ed ganrif ond gellir dilyn lwybr cul i lawr y graig i gyrraedd y ffynnon.

Hanes[golygu | golygu cod y dudalen]

Roedd galw mawr am y dŵr er mwyn trin anhwylderau plant a phobol ifanc. Roedd y dŵr yn cael ei gario o Lanbadrig mewn poteli a’i werthu fel meddyginiaeth mewn ffeiriau a marchnadoedd o gwmpas Ynys Môn. Yn ôl hanesion lleol roedd blas da ar y dŵr a’i fod yn effeithiol at wella cri cymalau, gwella’r droedwst, cornwydon a’r ddannoedd. Dyma hen bennill gwerinol oedd yn rhoi clod i’r ffynnon.

Mae’r dwfr yn ffynnon Badrig
Heb ei fath, heb ei fath
Am wella pob anhwylder
Heb ei fath, heb ei fath.[1]

Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]

  1. Ffynhonnau Cymru - Cyfrol 2 - Ffynhonnau Caernarfon, Dinbych, Y Fflint a Môn (Llyfrau Llafar Gwlad 43)