Eglwys Efengylaidd Caerfyrddin

Oddi ar Wicipedia
Jump to navigation Jump to search
Man cyfarfod yn Heol yr Hen Orsaf

Sefydlwyd Eglwys Efengylaidd Caerfyrddin yn ffurfiol ar 22 Mawrth 1989. Cyn hynny perthynai'r aelodau i Carmarthen Evangelical Church, eglwys Saesneg annibynnol yng Nghaerfyrddin, ac mae cysylltiad cryf ac agos wedi parhau rhwng y ddwy eglwys. Am ugain mlynedd cyntaf ei hanes bu'r eglwys yn cyfarfod mewn ystafell yn yr un adeilad â'i chwaer eglwys, sef y 'Presbi', adeilad yr hen Goleg Presbyteraidd ar y Rhodfa, neu'r 'Parêd'. Gweinidog cyntaf yr eglwys oedd y Parch Dafydd Protheroe Morris. Olynwyd Dafydd Morris gan y Parch Geraint Lloyd, a fu'n weinidog rhwng 1999 a 2006.

Prynu Adeilad[golygu | golygu cod y dudalen]

Yn 2008 prynwyd adeilad y 'Moose Hall' yn Heol yr Hen Orsaf ar lan afon Tywi. Ar ôl ei atgyweirio dechreuwyd cynnal oedfaon yno ym mis Gorffennaf 2009.

Galw Efengylydd[golygu | golygu cod y dudalen]

Ddechrau 2017 derbyniodd y Parchg Roger Thomas alwad i ymuno â'r eglwys fel efengylydd amser llawn, gan ddechrau ar ei waith ar 1 Mawrth.

Swyddogion a Chyfarfodydd[golygu | golygu cod y dudalen]

Yn 2018 henuriaid yr eglwys oedd Parry Davies a Robert Rhys. Mae'r eglwys yn cyfarfod ddwywaith ar y Sul ac ar nos Fercher. Cyhoeddir manylion llawn am y cyfarfodydd ar wefan yr eglwys ac mae modd gwrando ar bregethau a draddodir ar y wefan hefyd

Dolenni allanol[golygu | golygu cod y dudalen]