Dusky Grey

Oddi ar Wicipedia
Neidio i'r panel llywio Neidio i'r bar chwilio
Data cyffredinol
Enghraifft o'r canlynolband, deuawd, cynulliad cerddorol Edit this on Wikidata
GwladCymru Edit this on Wikidata
Label recordioParlophone Records Edit this on Wikidata
Dechrau/Sefydlu1 Medi 2016 Edit this on Wikidata
Genrecerddoriaeth boblogaidd Edit this on Wikidata
Enw brodorolDusky Grey Edit this on Wikidata
Gwefanhttp://www.duskygrey.com/ Edit this on Wikidata

Band pop Cymreig yw Dusky Grey a sefydlwyd yn 2016 gan Gethin Llwyd Williams a Catrin Hopkins.

Aelodau[golygu | golygu cod y dudalen]

Mae Gethin yn wreiddiol o Rhiwlas ac aeth i Ysgol Dyffryn Ogwen. Ei lysenw yn yr ysgol oedd 'Dusky' am mai dyna un o ystyron yr enw Gethin. Felly ynghyd a'i ail enw 'Llwyd' bathwyd yr enw 'Dusky Grey'. Yn 2015 aeth i Brifysgol John Moores Lerpwl i astudio Gwyddor Chwaraeon. Cychwynnodd y band fel prosiect unigol ar ôl cael ei ysbrydoli gan Ed Sheeran a chael gitâr yn anrheg ar ei ben-blwydd yn 16 mlwydd oed. Cyhoeddodd albwm o'i ganeuon - Hide & Seek yn 2016 (nid yw ar gael bellach).[1]

Mae Catrin yn dod o Gaernarfon ac aeth i Ysgol Syr Hugh Owen lle astudiodd Seicoleg, Iechyd a Gofal a Fhotograffiaeth yn y 6ed dosbarth. Roedd wedi bod yn canu yn lleol ac wedi cael rhai o'i chaneuon wedi eu chwarae ar y radio. Enillodd gystadleuaeth Talent Cymru yn 2013 a rhan o'r wobr oedd cael recordio CD gyda chwmni laBelaBel, cwmni recordiau Bryn Fôn. Cafodd y cyfle i ganu gyda Bryn Fôn ac ar raglenni teledu fel Noson Lawen a Chân i Gymru yn 2015. Yn 2016 roedd yn astudio yn y brifysgol ym Mangor. Cysylltodd â Gethin ar Facebook er mwyn ysgrifennu caneuon a datblygodd y bartneriaeth o hynny.

Llwyddiant cynnar[golygu | golygu cod y dudalen]

Recordiwyd y gân "Told Me" gyda Rich Roberts yn stiwdio Ferlas a'i ryddhau yn Tachwedd 2016. Ychwanegwyd y trac i restr chwarae 'New Pop Revolution' ar Spotify a chafodd llawer iawn o sylw. Erbyn Awst 2017 roedd wedi ei ffrydio 9 miliwn o weithiau ar Spotify.

O fewn ychydig wythnosau i ryddhau'r gân, fe arwyddodd y ddau gyda label East West Records o dan ymbarél Warner Music Group a phenderfynodd y ddau adael y brifysgol er mwyn ymroi eu holl amser i gerddoriaeth. Ychwanegwyd eu cân "Call Me Over" i restr chwarae BBC Radio 1 yn Awst 2017 dan faner "BBC Music Introducing"[2]

Disgyddiaeth[golygu | golygu cod y dudalen]

  • "Told Me" (Sengl, Tachwedd 2016)
  • "Call Me Over" (Sengl, Awst 2017)

Cyfeiriadau[golygu | golygu cod y dudalen]

  1.  Bio ar East West Records. East West Records.
  2.  Sêr ifanc Spotify. BBC Cymru Fyw (18 Awst 2017).

Dolenni allanol[golygu | golygu cod y dudalen]