Delwyn Williams
| Delwyn Williams | |
|---|---|
| Ganwyd | 1 Tachwedd 1938  |
| Dinasyddiaeth | y Deyrnas Unedig |
| Galwedigaeth | gwleidydd |
| Swydd | Aelod o 48fed Llywodraeth y DU |
| Plaid Wleidyddol | y Blaid Geidwadol |
Gwleidydd a chyfreithiwr yw David John Delwyn Williams (ganwyd 1 Tachwedd 1938), a fu'n Aelod Seneddol Ceidwadol dros Faldwyn rhwng 1979 ac 1983.
Bywyd Cynnar & Addysg[golygu | golygu cod]
Addysgwyd Williams yn Ysgol Uwchradd y Trallwng, a Choleg Prifysgol Cymru, Aberystwyth.
Gyrfa Wleidyddol[golygu | golygu cod]
Safodd Williams yn aflwyddiannus fel ymgeisydd Ceidwadol am y tro cyntaf ym Maldwyn yn Etholiad Cyffredinol 1970. Llwyddodd ennill 7,891 pleidlais (twf o +2.3% ar ganlyniad Ceidwadol 1966) ond trechwyd gan Emlyn Hooson- a fu'n Aelod Seneddol Rhyddfrydol dros yr etholaeth ers is-etholiad 1962.
Safodd yn yr etholaeth eto fel yr ymgeisydd Ceidwadol yn Etholiad Cyffredinol 1979, gan lwyddo i drechu Hooson dro hyn gyda mwyafrif o 1,593 pleidlais. Dyma'r tro cyntaf am gwta canrif i'r etholaeth adael meddiant y Blaid Ryddfrydol.[1] Ceisiodd Williams amddiffyn ei sedd yn Etholiad Cyffredinol 1983, ond collodd i'r ymgeisydd Rhyddfrydol, Alex Carlile o 668 pleidlais.
Yn 2007, safodd yn aflwyddiannus fel ymgeisydd mewn is-etholiad yn ward Gungrog, y Trallwng ar gyfer Cyngor Sir Powys.
Yn ystod 2015 bu ddatgan ei gefnogaeth i ymgyrch Des Parkinson- yr ymgeisydd UKIP yn etholaeth Maldwyn ar gyfer Etholiad Cyffredinol y flwyddyn yno, gan feirniadu nifer o bolisiau a phenderfyniadau arweinydd y Ceidwadwyr, David Cameron.[2]
| Senedd y Deyrnas Unedig | ||
|---|---|---|
| Rhagflaenydd: Emlyn Hooson |
Aelod Seneddol dros Faldwyn 1979 – 1983 |
Olynydd: Alex Carlile |
Cyfeiriadau[golygu | golygu cod]
- ↑ Derec Llwyd Morgan (gol.). Emlyn Hooson: Essays and Reminiscences. (Llandysul: Gomer: 2014)
- ↑ "copi archif". Archifwyd o'r gwreiddiol ar 2016-03-05. Cyrchwyd 2016-01-02.