David Johns

Oddi ar Wicipedia
David Johns
Ganwyd1794 Edit this on Wikidata
Llanina Edit this on Wikidata
Bu farw6 Awst 1843 Edit this on Wikidata
Madagascar Edit this on Wikidata
DinasyddiaethBaner Cymru Cymru
Alma mater
Galwedigaethcenhadwr Edit this on Wikidata

Roedd David Johns (1796 - 6 Awst 1843) yn un o'r cenhadon a deithiodd o Gymru i Fadagasgar ym mlynyddoedd cynnar y genhadaeth ar yr ynys honno.

Ganwyd ef yn fab i John Jones, Llain, ger Llanina, sir Aberteifi yn 1796. Dywedir iddo addasu sillafiad ei gyfenw yn ddiweddarach i Johns i'w gwneud yn haws i wahaniaethu rhyngddo ef a'i gyd-genhadwr David Jones.[1] Bu'n aelod gyda'r Annibynwyr ym Mhenrhiwgaled ac aeth yn ddisgybl i Thomas Phillips yn Ysgol Neuaddlwyd. Aeth yn ei flaen wedi hynny i astudio yn y Drenewydd, ac yna i Gosport (fel y cenhadon David Jones a Thomas Bevan a aeth hefyd i Fadagasgar). Cafodd ei ordeinio i'r genhadaeth ar 16 Chwefror 1826, a theithiodd i Fadagasgar yn yr un flwyddyn. Bu David Jones, David Griffiths ac yntau yn gweithio ar y cyd, gan sefydlu dros 25 o ysgolion a oedd yn hyfforddi dros 2,000 o ddisgyblion.[2]

David Johns aeth â'r wasg argraffu gyntaf i Fadagasgar a thrwy hynny alluogi i destunau a chyfieithiadau Cristnogol gael eu hargraffu yn y Falagaseg am y tro cyntaf. Ef gyfieithodd waith John Bunyan Taith y Pererin i'r Falagaseg, bu'n gyfrifol am baratoi geiriadur Malagaseg-Saesneg, a bu'n olygydd ar nifer o weithiau eraill. Cyd-ysgrifennodd A Narrative of the Persecutions of the Christians in Madagascar gyda'r cenhadwr Joseph John Freeman, a chyhoeddwyd addasiad Cymraeg ohono hefyd.

Bu raid i Johns adael Madagasgar o ganlyniad i erledigaeth, ond llwyddodd i gadw cysylltiad â'r Cristnogion ar yr ynys. Dychwelodd i'r ynys yn 1839, a bu farw yno ar 6 Awst 1843.

Cyfeiriadau[golygu | golygu cod]

  1. "Dictionary of African Christian Biography".
  2. "Y Bywgraffiadur Cymreig".