Cyflafan Christchurch
 | |
| Enghraifft o'r canlynol | ymosodiad terfysgol, llofruddiaeth torfol, livestreamed crime  |
|---|---|
| Dyddiad | 15 Mawrth 2019 |
| Lladdwyd | 51 |
| Lleoliad | Christchurch, Canterbury Region, Al Noor Mosque, Linwood Islamic Centre |
 | |
| Gwladwriaeth | Seland Newydd |
| Rhanbarth | Christchurch City |
 Ffeiliau perthnasol ar Gomin Wicimedia | |
Ymosodiad terfysgol yn erbyn Mwslimiaid oedd cyflafan Christchurch a darodd dau fosg yn ninas Christchurch, Seland Newydd, ar 15 Mawrth 2019. Saethwyd 50 o bobl yn farw gan ddyn arfog oedd yn arddel goruchafiaeth y gwynion ac ideoleg wrth-Islamaidd.[1][2]
Bu farw 42 o addolwyr ym Mosg Al Noor a'r ardal o'i amgylch ym maestref Riccarton yn ystod gweddi'r Gwener. Defnyddiodd yr ymosodwr ddrylliau lled-awtomatig, ac roedd ganddo sawl arf arall yn ei gar. Dechreuodd yr ymosodiad tua 13:40 (Amser Haf Seland Newydd) a barodd tua chwe munud cyn i'r llofrudd yrru i Ganolfan Islamaidd Linwood, rhyw 5 km i ffwrdd, a saethwyd 7 yn farw yn y mosg hwnnw.[3] Cafodd yr ymosodwr ei wrthsefyll gan Abdul Aziz, a lwyddodd i hel y dyn ymaith a chipio'i wn haels.[4] Ym Mosg Al Noor, ceisiodd Naeem Rashid daclo'r ymosodwr, ond cafodd ei saethu a bu farw ef yn ddiweddarach yn yr ysbyty.[5]
Cyhuddir dinesydd Awstralaidd 28 oed o'r enw Brenton Tarrant o gyflawni'r troseddau.[6] Cafodd yr ymosodiad ym Mosg Al Noor ei ffrydio'n fyw drwy gyfrwng Facebook Live gan ddefnyddio camera ar ben yr ymosodwr, a chyhoeddwyd maniffesto ar-lein a briodolir iddo.[7]
Profiad Cymraes[golygu | golygu cod]
Yn ôl Cymraes oedd yn y ddinas, Elliw Alaw Watts, roedd y gyflafan yn "erchyll" . Ategodd ""Mae jest yn ofnadwy meddwl bo rhwbath felly 'di digwydd mewn dinas ddistaw fel hyn."[1]
Cyfeiriadau[golygu | golygu cod]
- ↑ 1.0 1.1 https://www.bbc.co.uk/cymrufyw/47582534
- ↑ (Saesneg) "Mosque shooter brandished material glorifying Serb nationalism", Al Jazeera (15 Mawrth 2019). Adalwyd ar 16 Mawrth 2019.
- ↑ (Saesneg) "Christchurch mosque terrorist shootings: What you need to know", Stuff.co.nz (16 Mawrth 2019). Adalwyd ar 17 Mawrth 2019.
- ↑ (Saesneg) "Christchurch mosque shootings: He ran towards the gunman armed only with a credit card machine", The New Zealand Herald (17 Mawrth 2019). Adalwyd ar 16 Mawrth 2019.
- ↑ (Saesneg) "Trapped in Christchurch Mosque, Worshiper Attempted to Disarm Shooter", The Wall Street Journal (16 Mawrth 2019). Adalwyd ar 19 Mawrth 2019.
- ↑ "Christchurch: cyhuddo dyn, 28, o lofruddio", Golwg360 (16 Mawrth 2019). Adalwyd ar 16 Mawrth 2019.
- ↑ (Saesneg) "Christchurch mosque shootings: Gunman livestreamed 17 minutes of shooting terror", The New Zealand Herald (15 Mawrth 2019). Adalwyd ar 16 Mawrth 2019.