Cronfa Strwythurol yr Undeb Ewropeaidd
 | |
| Enghraifft o'r canlynol | sefydliad, investment fund  |
|---|---|
| Math | incentive program of the EU |
| Rhan o | budget of the European Union |
| Yn cynnwys | European Regional Development Fund, European Social Fund Plus, European Agricultural Fund for Rural Development, Cohesion Fund, European Maritime, Fisheries and Aquaculture Fund |
 | |
| Rhiant sefydliad | Comisiwn Ewropeaidd |
| Rhanbarth | Dinas Brwsel |
| Gwefan | http://ec.europa.eu/contracts_grants/funds_en.htm |
Mae Cronfa Strwythurol yr Undeb Ewropeaidd yn un o dair cronfa ariannol yr Undeb Ewropeaidd a fwriedir, ynghyd â'r Gronfa Cydlyniant, i gefnogi rhanbarthau llai datblygedig yr UE ac ar yr un pryd ar gyfer datblygu seilwaith traws-Ewropeaidd, yn enwedig ym maes trafnidiaeth.[1]
Penwadau'r polisi
[golygu | golygu cod]Ceir sawl gwahanol benawd ac asiantaeth i wireddu'r polisïau hyn:
- O dan y Polisi Cyflyniant (Cohesion Policy) ceir:
- Mae Cronfa Datblygu Rhanbarthol Ewrop (European Regional Development Fund, ERDF) wedi’i bwriadu ar gyfer datblygiad economaidd a chymdeithasol rhanbarthau lleiaf datblygedig yr Undeb Ewropeaidd. Mae'n ariannu seilwaith, buddsoddiadau mewn creu swyddi, prosiectau datblygu lleol a chymorth i fusnesau bach.
- Cronfa Cyflyniant (Cohesion Fund, CF)
- Cronfa Gymdeithasol Ewrop (European Social Fund Plus, ESF) gyda'r nod o helpu'n bennaf ym maes polisi cyflogaeth weithredol a symudiad rhydd llafur. Mae'n cefnogi dychweliad grwpiau di-waith a difreintiedig i fywyd gwaith, yn bennaf trwy ariannu hyfforddiant galwedigaethol a'r system cymorth cyflogaeth ar gyfer y grwpiau hyn. Ceir bellach ESF+.
- O dan y Polisi Amaeth Cyffredin (Common Agricultural Policy, CAP) ceir:
- Cronfa Amaethyddol Ewrop ar gyfer Datblygu Gwledig (EAFRD)[2]
- O dan y Polisi Pysgodfeydd Cyffredin (Common Fisheries Policy, CFP):
- Cronfa’r Môr, Pysgodfeydd a Dyframaethu Ewropeaidd (European Agricultural Fund for Rural Development, EMFAF)
Amcan Cydgyfeirio (Amcan 1 yn flaenorol)
[golygu | golygu cod]Mae’r amcan hwn yn cwmpasu rhanbarthau y mae eu CMC y pen yn is na 75% o gyfartaledd yr UE a’i nod yw cyflymu eu datblygiad economaidd. Fe'i hariennir gan yr ERDF, yr ESF a'r Gronfa Cydlyniant. Y blaenoriaethau o dan yr amcan hwn yw cyfalaf dynol a ffisegol, arloesi, cymdeithas wybodaeth, yr amgylchedd ac effeithlonrwydd gweinyddol. Y gyllideb a ddyrannwyd i'r amcan hwn yw €283.3bn mewn prisiau cyfredol.
Cymru ac Amcan 1
[golygu | golygu cod]Ar ddechrau'r 21g roedd y ffaith i Gymru fod yn ddigon tlawd i fod yn gymwys ar gyfer arian Amcan 1 yn destun gobaith y byddai modd codi cyflogaeth ac indwm yn rhanbarth eang o Gymru.[3] Roedd y rhanbarth yn cynnwys y cyfan o hen gymoedd diwydiannol y De, a Gorllewin y wlad. Er y buddsoddiad, gwelwyd bod y rhanbarth hynny'n dlotach yn 2011 na chyn hynny.[4]
Arfor
[golygu | golygu cod]Gellid gweld bod rhaglen Arfor a sefydlwyd yn 2017 ond a dderbyniodd gefnogaeth mwy strwythurol yn sgil Cytundeb Cydweithio Llywodraeth Cymru a Phlaid Cymru 2021 yn estyniad o nifer o dargedau Amcan 1 ond gyda pwyslais cryfach greiddiol ar y Gymraeg, a llai o arian. Mae Arfor yn gymwys ar gyfer siroedd Môn, Gwynedd, Ceredigion, a Sir Gearfyrddin, er bod peth dyheuad i ymestyn a i gynnwys siroedd cyfagos.
Cyfeiriadau
[golygu | golygu cod]- ↑ "EU Cohesion Policy: European Structural and Investment Funds supported SMEs, employment of millions of people and clean energy production". Comiwisn Ewrop. Cyrchwyd 27 Tachwedd 2024.
- ↑ "Common Agricultural Policy". Comisiwn Ewropeaidd. Cyrchwyd 27 Tachwedd 2024.
- ↑ "Third Time Lucky for Objective One Funding in Wales". BBC Wales. 30 Hydref 2014.
- ↑ "Arian Ewrop: Ardal o Gymru'n dlotach". BBC Cymru Fyw. 13 Hydref 2011.