Catrin Stevens

Oddi ar Wicipedia
Jump to navigation Jump to search
Catrin Stevens
Dinasyddiaeth Baner Cymru Cymru
Galwedigaeth hanesydd, ysgrifennwr, golygydd Edit this on Wikidata

Awdures doreithiog ac yn addysgwraig ac awdurdod ar agweddau o draddodiadau a hanes Cymru yw Catrin Stevens.

Ganwyd yn Llanon, Ceredigion, ac addysgwyd hi yn Ysgol Ramadeg Ardwyn a Phrifysgol Bangor. Wedi gweithio fel athrawes Cymraeg a hanes, roedd Catrin hefyd yn bennaeth adran hanes a hanes Cymru yng Ngholeg y Drindod, Caerfyrddin. Mae ei llyfrau am arferion caru Cymreig yn deillio o ymchwil Catrin i hen arferion Cymru yn Amgueddfa Werin Cymru Sain Ffagan. Mae Catrin bellach yn gweithio fel awdur llawrydd a'i phrif ddiddordeb yw dehongli hanes i ddarllenwyr o bob oed.[1]

Cyhoeddodd cyfrolau yn y gyfres i blant, Hanes Atgas ynghyd â’r gyfrol Saesneg Inside Out: Telling the Story of Welsh.

Mae'n aelod gweithgar o Ferched y Wawr ac yn gyn olygydd cylchgrawn Y Wawr.[2]

Mae’n briod a chanddi ddau o blant ac mae’n byw yng Nghasllwchwr ger Abertawe.

Cyfeiriadau[golygu | golygu cod y dudalen]

  1. "Catrin Stevens - Authors". www.gomer.co.uk. Cyrchwyd 2020-01-10.
  2. "www.gwales.com - 9781784617660, Hanes Menywod Cymru 1920-60 - yn eu Geiriau eu Hunain". www.gwales.com. Cyrchwyd 2020-01-10.
Planned section.svg Eginyn erthygl sydd uchod am lenor neu awdur Cymreig. Gallwch helpu Wicipedia drwy ychwanegu ato.