Caroline Lucas

Oddi ar Wicipedia
Neidio i: llywio, chwilio
Caroline Lucas
Arweinydd Plaid Werdd Cymru a Lloegr
Yn ei swydd
5 Medi 2008 – 5 Medi 2012
Dirprwy Adrian Ramsay
Rhagflaenydd Neb
Ar ei ôl Natalie Bennett
Prif Lefarydd y Blaid Werdd
Yn ei swydd
30 Tachwedd 2007 – 5 Medi 2008
Rhagflaenydd Siân Berry
Ar ei ôl Neb
Yn ei swydd
2003 – 24 Tachwedd 2006
Rhagflaenydd Margaret Wright
Ar ei ôl Siân Berry
Aelod Seneddol
dros Brighton Pavilion
Yn ei swydd
Dechrau
6 Mai 2010
Rhagflaenydd David Lepper
Mwyafrif 1,252 (2.4%)
Aelod Senedd Ewrop
dros De-ddwyrain Lloegr
Yn ei swydd
14 Mehefin 1999 – 6 Mai 2010
Rhagflaenydd Creu'r etholaeth
Ar ei ôl Keith Taylor
Manylion personol
Ganwyd (1960-12-09) 9 Rhagfyr 1960 (57 oed)
Malvern, Lloegr
Plaid wleidyddol Plaid Werdd y DU (1986–1990)
Plaid Werdd Cymru a Lloegr (1990–presennol)
Gŵr neu wraig Richard Savage
Alma mater Prifysgol Caerwysg
Prifysgol Kansas
Gwefan Gwefan swyddogol

Gwleidydd o Loegr yw Caroline Patricia Lucas (ganwyd 9 Rhagfyr 1960) ac Aelod Seneddol y Blaid Werdd dros etholaeth seneddol Brighton Pavilion ers etholiad 2010. Hi oedd AS cynta'r Blaid Werdd yn Lloegr.

Cyn ei hethol yn Aelod seneddol, bu'n Aelod Senedd Ewrop (ASE) dros De-Ddwyrain Lloegr rhwng 1999 a 2010.[1][2] ac Arweinydd y Blaid Werdd rhwng 2008 a 2012; wedi hynny ildiodd ei sedd er mwyn rhoi mwy o amser i'w gwaith fel AS yn San Steffan.

Mae'n nodedig am ei hymgyrchu brwd ac fel awdur llyfrau ar faterion gwyrdd: economeg, globaleiddio, masnach a lles anifeiliaid. Dros y blynyddoedd mae Caroline wedi gweithio gyda nifer o NCOs (mudiadau di-lywodraeth) a phwyllgorau creu polisiau gan gynnwys yr RSPCA, yr Ymgyrch dros Ddiarfogi Niwclear ac Oxfam.

Magwraeth[golygu | golygu cod y dudalen]

Ganwyd Lucas yn Malvern yn Swydd Gaerwrangon, i deulu dosbarth canol, Ceidwadol;[3]; gwaith ei thad oedd rhedeg busnes gwres canol bychan.[4]

Yn Malvern Girls' College (yna Malvern St James yn 2006), y cafodd ei haddysg; ysgol breifat, annibynol. Aeth yn fyfyrwraig i Brifysgol Caerwysg ble y cafodd radd Dosbarth Cyntaf mewn Llenyddiaeth Saesneg yn 1983.[3][5] Tra yn y brifysgol bu ar sawl protest i Gomin Greenham a chanolfan awyrlu RAF Molesworth, a bu'n weithgar gyda CND.

Enillodd ysgoloriaeth ym Mhrifysgol Kansas rhwng 1983 a 1984 cyn cwbwlhau Diploma mewn Newyddiaduraeth yn 1987 a Doethuriaeth (PhD) ym Mhrifysgol Caerwysg yn 1989 pan gwbwlhaodd draethawd ymchwil o'r enw Writing for Women: a study of woman as reader in Elizabethan romance.[6]

Priododd Richard Savage yng Ngorffennaf 1991 yn Rhydychen ac mae ganddynt ddau fab.

Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]