Calon Lân

Emyn Cymraeg a ysgrifennwyd yn y 19g gyda geiriau gan Daniel James (Gwyrosydd) a thôn gan John Hughes yw Calon Lân.

Geiriau

Nid wy'n gofyn bywyd moethus,

Aur y byd na'i berlau mân:

Gofyn wyf am galon hapus,

Calon onest, calon lân.

Calon lân yn llawn daioni,

Tecach yw na'r lili dlos:

Dim ond calon lân all ganu

Canu'r dydd a chanu'r nos.

Pe dymunwn olud bydol,

Chwim adenydd iddo sydd;

Golud calon lân, rinweddol,

Yn dwyn bythol elw fydd.

Hwyr a bore fy nymuniad

Gwyd i'r nef ar adain cân

Ar i Dduw, er mwyn fy Ngheidwad,

Roddi i mi galon lân.

Dolenni allanol

• Y gerddoriaeth cy.cantorion.org

Eginyn erthygl sydd uchod am gerddoriaeth Cymru. Gallwch helpu Wicipedia drwy ychwanegu ato