C.P.D. Merched Pontypridd Unedig
| Enw llawn | Pontypridd Town AFC Women |
|---|---|
| Maes | Meysydd Chwaraeon Prifysgol De Cymru, Trefforest |
| Cynghrair | Uwch Gynghrair Merched Cymru |
Mae C.P.D. Merched Pontypridd Unedig (Pontypridd United AFC Women) yn chwarae yn Uwch Gynghrair Merched Cymru a ailfranwyd yn Adran Premier ers tymor 2021-22.
Hanes[golygu | golygu cod]
Ymddengys y sefydlwyd C.P.D Merched Pontypridd yn 1992. Ar gyfer tymor 2021-22 ac yn sgil newidiadau i strwythur cystadlaethau pêl-droed merched Cymru gan y Gymdeithas Bêl-droed, cafwyd cais gan C.P.D. Merched Cyncoed Nghaerdydd, i uno'r ddau glwb. Roedd hyn yn rhannol gan bod Cyncoed eisoes yn chwarae ar safle Prifysgol De Cymru ym Mhontypridd ac er mwyn gwireddu'r awydd i dyfu a chryfhau'r ddarpariaeth bêl-droed i ferched ym Mhontypridd a'r ardal gan glwb gwreiddiol Pontypridd.[1] Erbyn 2021-22 felly unwyd C.P.D. Merched Pontypridd, C.P.D. Tref Pontypridd (dynion) a'r hen C.P.D. Merched Cyncoed i greu un endid. Yn ôl Fern Burrage-Male, cyfarwyddwr pêl-droed Merched Cyncoed, “Nid un tîm yn meddiannu'r llall yw hyn o bell ffordd. Cydweithrediad yw hwn. Mae'n bartneriaeth gyffrous sy’n creu super club yn yr ardal sy’n galluogi pêl-droed menywod a merched i ffynnu.”[2]
Derbyniwyd Tref Pontypridd ar ei newydd wedd i chwarae yn yr Adran Preimer newydd yn 2021-22.[3] Bu iddynt ennill ei gêm hanesyddol gyntaf yn yr Uwch Adran, 2-1 yn erbyn Y Seintiau Newydd.[4] Sgoriwr y ddwy gôl i Bontypridd oedd, Alison Witts.[5] [6]
Newid enw[golygu | golygu cod]
I gyd-fynd â dyrchafiad tîm y dynion i'r Cymru Premier ar ddiwedd tymor 2021/22, newidwyd enw'r clwb i Glwb Pêl-droed Pontypridd Unedig.
Maes Cartref[golygu | golygu cod]
Bu C.P.D. Merched Pontypridd yn chwarae ar faes yng nghaeau Parc Ynys Angharad yn nhref Pontypridd.[7] Yn dilyn yr uniad gyda Chyncoed, mae'r tîm yn chwarae eu gemau cartref ar faes Prifysgol De Cymru, Trefforest.
Dolenni[golygu | golygu cod]
Cyfeiriadau[golygu | golygu cod]
- ↑ https://www.cymrufootball.wales/news/cyncoed-ladies-confirm-merger-pontypridd-town/
- ↑ https://clwbpeldroed.org/2021/05/24/cyncoed-ladies-pontypridd-town-merger/
- ↑ https://www.adranleagues.cymru/
- ↑ https://twitter.com/tnsfcwomen/status/1434585417421049863
- ↑ https://twitter.com/PontyTownAFCW/status/1434514063388823558
- ↑ https://twitter.com/PontyTownAFCW/status/1434551333948907521
- ↑ https://www.facebook.com/PontyTownLFC/