C.P.D. Merched Cyncoed

Oddi ar Wicipedia
Jump to navigation Jump to search
Cyncoed Ladies F.C.
Enw llawnCyncoed Ladies Football Club (C.P.D. Merched Cyncoed)
LlysenwauMighty Oaks
MaesMaesydd Chwaraeon Prifysgol De Cymru, Trefforest
HyfforddwrCharlie Mitchell
CynghrairUwch Gynghrair Merched Cymru
2019–205th[1]
GwefanHafan y clwb
Lliwiau Cartref
Lliwiau Oddi cartref

Roedd Clwb Pêl-droed Merched Cyncoed (Cyncoed Ladies F.C. yn glwb pêl-droed, oedd, er gwaethaf mai maestref o Gaerdydd yw Cyncoed, yn chwarae eu gemau cartref ym Mharc Chwaraeon Prifysgol De Cymru, Trefforest, Pontypridd. Buont yn chwarae yn Uwch Gynghrair Merched Cymru (y Adran Premier), y lefel uchaf o bêl-droed yng Nghymru.[2] Crys coch, siorts du a sanau coch oedd lliwiau eu cit.[3]

Hanes[golygu | golygu cod y dudalen]

Ffurfiwyd y tîm yn 2007, gan chwarae'n wreiddiol o dan yr enw 'Cardiff Draconians' cyn dod yn Glwb Pêl-droed Merched Cyncoed yn 2008.[4] Daeth eu rhediad gorau erioed yng Nghwpan Merched yn nhymor 2017-18 lle gyrhaeddon nhw’r rownd gynderfynol cyn ymgrymu o drwch blewyn i Ddinas Caerdydd.[5] Ar y ffordd fe wnaethant drechu Llangyfelach 23-0 yn yr ail rownd.[6]

Uno gyda C.P.D. Tref Pontypridd[golygu | golygu cod y dudalen]

Ar gyfer tymor 2021-22 ac yn sgil newidiadau i strwythur cystadlaethau pêl-droed merched Cymru gan y Gymdeithas Bêl-droed, cafwyd cais gan glwb merched Cyncoed i uno gyda C.P.D. Merched Tref Pontypridd sy'n rhan bellach o C.P.D. Tref Pontypridd. Roedd hyn yn rannol gan bod Cyncoed eisoes yn chwarae ar safle Prifysgol De Cymru ym Mhontypridd ac er mwyn gwireddu ysfa i dyfu a chryfhau'r ddarpariaeth bêl-droed i ferched o fewn Pontypridd a'r ardal gan glwb sylfaenol Pontypridd.[7] Erbyn 2021-22 felly unwyd C.P.D. Merched Pontypridd, C.P.D. Tref Pontypridd (dynion) a'r hen C.P.D. Merched Cyncoed i greu un uned. Yn ôl Fern Burrage-Male, Cyfarwyddwr Pêl-droed Merched Cyncoed, “Am nifer o flynyddoedd mae Cyncoed Ladies wedi bod yn dîm Merched hŷn hunangynhaliol llwyddiannus. Rydym wedi bod ag awydd i dyfu ac wedi gwneud cynnydd gyda'n rhaglen dan 19 a chwaer glwb. Pan adolygwyd ein camau nesaf, gwnaethom gydnabod ein bod yn chwarae ym Mhontypridd allan o USW ac nad oes gennym gysylltiadau uniongyrchol ag ardal Cyncoed o gwbl.

“Roeddem hefyd yn gwybod o safbwynt brandio/marchnata, gallai fod rhai cysylltiadau â Champws Cyncoed a Chaerdydd Met sy'n chwarae eu gemau cartref yno. Fe wnaethon ni archwilio ein cyfleoedd a'r dirwedd yn Ne Cymru a Clwb Pêl-droed Tref Pontypridd oedd ein gêm berffaith. Yn hynny o beth, rydym wedi gwneud cais i uno Cyncoed Ladies; Merched Tref Pontypridd (yn SWWGL ar hyn o bryd) ac AFC Tref Pontypridd.”[8]

Gorffennodd Cyncoed eu tymor olaf fel tîm ar wahan yn 2020-21 yn 6ed safle Uwch Gynghrair Orchard Cymru.[9]

Derbyniwyd y C.P.D. Tref Pontypridd ar ei newydd wedd i chwarae yn y Genero Adran Preimere newydd yn 2021-22.[10]

Maes Cartref[golygu | golygu cod y dudalen]

Bu C.P.D. Merched Cyncoed yn chwarae ar faes adnoddau a chaeau Prifysgol De Cymru, Trefforest.

Cofnod hedfan uchaf[golygu | golygu cod y dudalen]

Chwaraeodd Cyncoed eu tymor cyntaf yn yr Uwch Gynghrair Merched Cymru yn 2015-16, gan orffen yn yr 8fed safle a chyrraedd rownd yr wyth olaf yng Nghwpan Merched Cymru.[11]

Tymor 2017-18 oedd Cyncoed fwyaf llwyddiannus hyd yma, gan orffen yn 4ydd yn yr Uwch Gynghrair ac ennill Cwpan Uwch Gynghrair Cymru dros enillwyr y gynghrair, Met Caerdydd, gan ennill 1-0 mewn amser ychwanegol.[12]

Anrhydeddau[golygu | golygu cod y dudalen]

  • Cwpan Uwch Gynghrair Cymru
  • Pencampwyr: 2017-18 [12]

Dolenni[golygu | golygu cod y dudalen]


Cyfeiriadau[golygu | golygu cod y dudalen]

  1. "Summary - Welsh Premier Women's League - Wales - Results, fixtures, tables and news - Women Soccerway". int.women.soccerway.com. Cyrchwyd 3 October 2020.
  2. "League table on the league website". Archifwyd o'r gwreiddiol ar 2019-09-13. Cyrchwyd 2021-08-16.
  3. "Club information on the league website". Archifwyd o'r gwreiddiol ar 2018-04-13. Cyrchwyd 2021-08-16.
  4. Club history on the club website
  5. Match report on the Welsh FA website
  6. shekicks.net round up of the tournament to the semi-finals
  7. https://www.cymrufootball.wales/news/cyncoed-ladies-confirm-merger-pontypridd-town/
  8. https://www.cymrufootball.wales/news/cyncoed-ladies-confirm-merger-pontypridd-town/
  9. https://www.cymrufootball.wales/news/cyncoed-ladies-confirm-merger-pontypridd-town/
  10. https://www.adranleagues.cymru/
  11. "Information - Cyncoed Ladies FC". www.pitchero.com (yn Saesneg). Cyrchwyd 23 July 2019.
  12. 12.0 12.1 Frith, Wilf (26 March 2018). "Cyncoed win Welsh Premier League Cup". She Kicks Women's Football Magazine. Cyrchwyd 23 July 2019.