Bugeilio'r Gwenith Gwyn

Oddi ar Wicipedia
Jump to navigation Jump to search

Cân werin draddodiadol yw Bugeilio'r Gwenith Gwyn. Yn ôl traddodiad, Ann Thomas, mwy adnabyddus fel y Ferch o Gefn Ydfa, yw testun y gân a gyfansoddwyd gan Wil Hopcyn.


Trafferth chwarae'r ffeil hon? Gweler yr Adran Gymorth.

Geiriau[golygu | golygu cod y dudalen]

Mi sydd fachgen ieuanc ffôl
Yn byw yn ôl fy ffansi,
Myfi'n bugeilio'r gwenith gwyn,
Ac arall yn ei fedi.
Pam na ddeui ar fy ôl,
Ryw ddydd ar ôl ei gilydd?
Gwaith 'rwy'n dy weld, y feinir fach,
Yn lanach, lanach beunydd.

Glanach, glanach wyt bob dydd,
Neu fi yn wir sy'n ffolach;
Er mwyn y Gŵr a wnaeth dy wedd
Dod im' drugaredd bellach.
Cwnn dy ben, gwel acw draw,
Rho im' dy law wen dirion;
Gwaith yn dy fynwes bert ei thro
Mae allwedd clo fy nghalon.

Tra fo dŵr y môr yn hallt,
A thra bo gwallt yn tyfu,
A thra fo calon dan fy mron
Mi fydda'n ffyddlon iti;
Dywed imi'r gwir heb gêl,
A rho dan sêl d'atebion,
P'un ai myfi ai arall, Ann
Sydd orau gan dy galon.

Y diwn[golygu | golygu cod y dudalen]

Fersiwn cyntaf cyhoeddwyd[golygu | golygu cod y dudalen]

Cyfansoddwyd y melodi a'r geiriau gan Maria Jane Williams yn 1844:[1]

Musical scores are temporarily disabled.

Fersiwn modern[golygu | golygu cod y dudalen]

Fersiwn modern o'r gan:

Musical scores are temporarily disabled.

Cyfeiriadau[golygu | golygu cod y dudalen]

  1. Williams, Maria Jane (1844). Ancient National Airs of Gwent and Morgannwg. Llandovery: William Rees. tt. 38–39. Archifwyd o'r gwreiddiol ar 4 March 2016.