Brwydr Nanheudwy

Oddi ar Wicipedia
Neidio i'r panel llywio Neidio i'r bar chwilio
Data cyffredinol
Enghraifft o'r canlynolbrwydr Edit this on Wikidata

Lladdwyd Cadwallon ap Gruffudd ap Cynan ym Mrwydr Nanheudwy, a ymladdwyd yn 1132 ger Llangollen gan Cadwgan ap Goronwy ac Einion ab Owain ei gefndryd. Cwmwd canoloesol oedd Nanheudwy a oedd yn ymestyn o Langollen i Faelor yn y gogledd; ac i lawr i Arwystli yn y de.

Yn 1123, ymosododd Cadwallon ac Owain ar gantref Meirionnydd, a oedd yn perthyn i Deyrnas Powys ar y pryd. Yn 1124 cipiasant gantref Dyffryn Clwyd o ddwylo Powys a'i adfer i Wynedd. Mewn ymgyrch ddiweddarach, lladdwyd Cadwallon gan fyddin o Bowys mewn brwydr yng nghwmwd Nanheudwy, ger Llangollen, yn 1132.[1] Atalwyd cynnydd tiriogaethol Gwynedd am gyfnod ar ôl hynny.

Cyfeiriadau[golygu | golygu cod y dudalen]

  1. D. Simon Evans (gol.), Historia Gruffud vab Kenan (Caerdydd, 1977), tt. xxvii-xxviii.