Brahma
 | |
| Data cyffredinol | |
|---|---|
| Enghraifft o'r canlynol | Hindu deities  |
| Rhan o | Trimurti |
| Enw brodorol | 𑖤𑖿𑖨𑖮𑖿𑖦𑖯 |
 Ffeiliau perthnasol ar Gomin Wicimedia | |
- Gweler hefyd Brahma (Bwdhaeth) a Brahman (Vedanta).
Duw Hindŵaidd sy'n creu'r bydysawd ac sy'n un o'r Trimurti, gyda Vishnu (y Cynhaliwr) a Shiva (Y Dinistriwr) yw Brahma (Sansgrit Brahmā ब्रह्मा). Ni ddylid ei gymysgu â'r Brahman, yr Ysbryd Cosmig Goruchel yn athroniaeth Vedanta, er bod y ddau enw yn gytras. Ei chymar yw Saraswati, duwies Hindŵaidd dysg a doethineb. Uniaethir Brahmā yn aml gyda Prajapati, un o'r duwiau yn nhraddodiad y Veda. Mewn cymhariaeth â Vishnu a Shiva a sawl duw a duwies arall yn Hindŵaeth, nid yw Brahma yn ffigwr amlwg ym mywyd crefyddol y wlad.
Fel rheol portreadir Brahma fel ffigwr dynol coch ei liw gyda phedwar wyneb barfog a phedair braich. Mae'n preswylio yn Brahmaloka ("paradwys"). Mae'n marchogaeth Hamsa, aderyn chwedlonol tebyg i alarch a gysylltir â soma'r Rig Veda; daeth Hamsa yn symbol o'r Enaid a'r Ysbryd Goruchel.
Mae tymor bywyd Brahma yn cael ei alw yn kalpa, sef yr uned sylfaenol yng nghosmoleg draddodiadol India.
