Big Leaves

Oddi ar Wicipedia
Jump to navigation Jump to search
Data cyffredinol
Enghraifft o'r canlynolband Edit this on Wikidata
GwladBaner Cymru Cymru
Label recordioAnkst Edit this on Wikidata
Dod i'r brig1988 Edit this on Wikidata
Genreroc indie Edit this on Wikidata

Band poblogaidd o Waunfawr, Caernarfon oedd Big Leaves (Beganifs yn wreiddiol). Ffurfiwyd y band yn wreiddiol pan oedd yr aelodau yn eu arddegau ac yn ddisgyblion yn Ysgol Syr Hugh Owen, Caernarfon.[1] Mabwysiadwyd yr enw "Beganifs" ar ol y glas-enw lleol ar bobol y Waunfawr.[2]

Yn y 1990au gwahoddwyd y band i berfformio mewn gŵyl yn Amsterdam a saethwyd fideo yno. Camglywodd rastaffarian lleol enw'r band fel 'Big Leaves' - ac fe sticiodd yr enw. Daeth EP cyntaf y band gyda'r enw newydd yn 1998.[3]

Fe wnaeth y band roi'r ffidl yn y to ym 2005. Alien & Familiar oedd albwm olaf y band ac yn gampwaith ymysg nifer o senglau ag albymau penigamp a gyhoeddwyd gan y band. Yn y blynyddoedd cynnar roedd potensial y band dwyieithog yn amlwg, a honnwyd i Liam Gallagher o'r band byd-enwog Oasis ddewis '‘Fine'’ fel sengl y flwyddyn yn 2000.

Cyn hynny, roedden nhw wedi rhyddhau'r cyntaf o ddau albwm: Pwy Sy’n Galw?. Albwm uniaith Gymraeg ydoedd, a gynhwysai eu cân enwocaf, ‘'Seithenyn'’. Dywedodd Rhodri Siôn mewn cyfweliad - "Our song 'Seithenyn' has a middle eight that's like a Welsh Bohemian Rhapsody. It's a song about this Welsh legend. There's barber shop singing in the middle!"[3] Rhyddhaodd y band nifer o EPs o safon a thyfodd eu statws fel band ‘byw’ ardderchog.

Gydag ychydig mwy o gyhoeddusrwydd, nid oes amheuaeth y gallai Big Leaves fod wedi ehangu eu henw da a dyfod yn un o’r bandiau mwyaf poblogaidd i’w geni yng Nghymru, gan ddilyn olion traed y Super Furry Animals a’r Manic Street Preachers.[angen ffynhonnell]

Aelodau[golygu | golygu cod y dudalen]

Disgyddiaeth[golygu | golygu cod y dudalen]

fel Beganifs
  • Ffraeth (Albwm caset, Recordiau Ankst, ANKST 026, 1992)
  • Aur (Albwm caset, Recordiau Ankst, ANKST 035, 1992)
  • Beganifs (EP caset, Recordiau Ankst, ANKST 049, 1994)
fel Big Leaves
Searchtool.svg Prif erthygl: Rhestr o ganeuon gan Big Leaves
  • Trwmgwsg (EP, Crai CD062, 1998)
  • Belinda (EP, Crai CD066, 1999)
  • "Sly Alibi / Double Trouble " (Sengl, W-CRACK002, 1999)
  • "Racing Birds" (Sengl, W-CRACK003, 1999)
  • Pwy Sy'n Galw (Albwm, Crai CD 069, 2000)
  • Animal Instinct (EP, EDDA02, 2001)
  • Speakeasy (EP, EDDA04, 2001)
  • Siglo (EP, CRAI CD082, 2002)
  • Alien & Familiar (Albwm, EDDA 05CD, 2004)

Dolenni allanol[golygu | golygu cod y dudalen]

Cyfeiriadau[golygu | golygu cod y dudalen]

  1.  CYFWELIAD / INTERVIEW: Osian Gwynedd - Sibrydion. Blog Bachu Sylw (1 Mehefin 2011). Adalwyd ar 6 Mawrth 2017.
  2.  BIG LEAVES - Bywgraffiad. Sain. Adalwyd ar 6 Mawrth 2017.
  3. 3.0 3.1 (Saesneg) Big Leaves biography. BBC (30 Ionawr 2009). Adalwyd ar 6 Mawrth 2017.