Belém
Belém yw prifddinas talaith Pará yn ngogledd Brasil. Mae'n un o ddinasoedd mwyaf Brasil, gyda phoblogaeth o 1,405,871 yn 2005. Saif ger cymer Afon Gwamá ac Afon Para, gyferbyn ag ynys Marajó. Mae'n ganolfan ddiwydiannol bwysig, yr ail-bwysicaf yn nalgylch afon Amazonas ym Mrasil, ar ôl Manaus.
Sefydlwyd Belém ar 12 Ionawr 1616 gan y cadpten Portiwgeaidd Francisco Caldeira Castelo Branco. Yr enw gwreiddiol oedd Feliz Lusitânia, ac yn ddiweddarach Santa Maria do Grão Pará neu Santa Maria de Belém do Grão Pará.
