Barbariad
 Pen barbariad (penddelw o 2g) | |
| Enghraifft o'r canlynol | sarhad ethnig  |
|---|---|
| Math | pobl |
 Ffeiliau perthnasol ar Gomin Wicimedia | |
Erbyn heddiw, unigolyn sy’n ymddwyn mewn ffordd anwar neu anniwylliedig yw barbariad,[1] ond gynt cyfeiriai'r gair at ddiethryn nad oedd ei iaith neu ei ymddygiad yn cydymffurfio â normau cymdeithas y cafodd ei hun ynddi.
Mae'r term yn tarddu o'r gair Groeg βάρβαρος (barbaros; lluosog βάρβαροι, barbaroi). Yng Ngroeg yr Henfyd, defnyddiai'r Groegiaid y term i gyfeirio at y rhai nad oeddent yn siarad Groeg ac yn dilyn eu harferion. Weithiau roedden nhw'n hefyd yn defnyddio'r gair i gyfeirio at Roegiaid ar gyrion y byd Groeg a siaradai â thafodieithoedd rhyfedd.
Yn Rhufain hynafol, benthycodd y Rhufeiniaid y term a'i ddefnyddio i gyfeirio at lwythau nad oeddent yn Rhufeiniaid, megis y Berberiaid , Germaniaid , Celtiaid, Iberiaid, Thraciaid, Illyriaid a Sarmatiaid.
Cyfeiriadau[golygu | golygu cod]
- ↑ barbariad. Geiriadur Prifysgol Cymru. Adalwyd ar 7 Gorffennaf 2023.