Asima Chatterjee

Oddi ar Wicipedia
Jump to navigation Jump to search
Asima Chatterjee
Asima Chatterjee - Calcutta 1993-03-29 35.tif
Ganwyd 23 Medi 1917 Edit this on Wikidata
Kolkata Edit this on Wikidata
Bu farw 22 Tachwedd 2006 Edit this on Wikidata (89 oed)
Kolkata Edit this on Wikidata
Alma mater
  • Prifysgol Calcutta
  • Coleg Lady Brabourne
  • Coleg Eglwys yr Alban
Galwedigaeth cemegydd, gwleidydd, botanegydd, academydd Edit this on Wikidata
Swydd aelod o'r Rajya Sabha Edit this on Wikidata
Cyflogwr
  • Prifysgol Calcutta
Gwobr/au Gwobr Gwyddoniaeth a Thechnoleg Shanti Swarup Bhatnagar, Prifysgol Gwyddoniaeth a Pheirianneg Padmabhushan Edit this on Wikidata

Cemegydd Indiaidd oedd yn arbenigo ar blanhigion meddyginiaethol oedd Asima Chatterjee (23 Medi 191722 Tachwedd 2006).[1]

Ganwyd yn Calcutta, yn ferch i'r meddyg a'r botanegydd Indra Narayan Mukherjee. Enillodd ei gradd meistr ar bwnc cemeg organig o Brifysgol Calcutta ym 1938, a'i doethuriaeth ym 1944. Hi oedd y fenyw gyntaf i ennill doethuriaeth mewn gwyddoniaeth o unrhyw brifysgol yn India. Teithiodd i gyd-weithio ag academyddion eraill ym Mhrifysgol Wisconsin (1947), Athrofa Dechnegol Califfornia (1948–49), a Phrifysgol Zürich (1949–50).[2]

Dychwelodd i Brifysgol Calcutta, ac ymchwiliodd i gemeg planhigion meddyginiaethol, yn enwedig alcaloidau a chwmarinau. Cafodd ei phenodi yn ddarllenydd yn yr adran gemeg bur ym 1954, ac ym 1962 hi oedd y fenyw gyntaf i'w phenodi i gadair wyddonol prifysgol yn India a hynny yn Athro Cemeg Khaira.[2]

Llwyddodd i ddatblygu'r cyffur gwrth-epileptig, Ayush-56, o Marsilia minuta, a'r cyffur gwrth-malaria o Alstonia scholaris, Swrrtia chirata, Picrorphiza kurroa, a Ceasalpinna crista. Yn ystod ei gyrfa, cyhoeddodd tua 400 o erthyglau mewn cyfnodolion academaidd.[2]

Cyfeiriadau[golygu | golygu cod y dudalen]

  1. (Saesneg) Noted scientist Asima Chatterjee dies, Oneindia (22 Tachwedd 2006). Adalwyd ar 23 Medi 2017.
  2. 2.0 2.1 2.2 (Saesneg) S C Pakrashi, "Asima Chatterjee" yn Lilavati's Daughters (2008). Adalwyd ar 23 Medi 2017.