Dafydd Johnston

Ysgolhaig a fagwyd yn Lloegr sydd wedi dysgu Cymraeg a dod yn un o'r prif arbenigwyr cyfoes ar farddoniaeth Gymraeg yr Oesoedd Canol, yn enwedig gwaith Beirdd yr Uchelwyr yw Dafydd Johnston.

Llwyddodd Dafydd Johnston i ddysgu Cymraeg yn drwyadl ac ymsefydlodd yng Nghymru. Apwyntiwyd ef yn uwch-ddarlithydd yn Adran y Gymraeg, Prifysgol Caerdydd. Erbyn heddiw mae'n athro ym Mhrifysgol Abertawe.

Mae ei waith yn cynnwys golygiadau safonol o waith Iolo Goch a Lewys Glyn Cothi, golygiad a chyfieithiad o ddetholiad o ganu maswedd Cymraeg yr Oesoedd Canol, astudiaeth fanwl o waith Beirdd yr Uchelwyr, golygiad o waith y bardd Saesneg Idris Davies a chyflwyniad Saesneg poblogaidd i hanes llenyddiaeth Gymraeg.

Llyfryddiaeth ddethol

Dafydd Johnston (gol.), Gwaith Iolo Goch (Gwasg Prifysgol Cymru, 1988)

• —— (gol. a chyf.), Canu Maswedd Cymraeg yr Oesoedd Canol/Medieval Welsh Erotic Poetry (Tafol, 1991).
• —— (gol.), Gwaith Lewys Glyn Cothi Gwasg Prifysgol Cymru, 1995)
• ——, Llenyddiaeth Cymru Gwasg Prifysgol Cymru, 1998)
• ——, Llên yr Uchelwyr: Hanes beirniadol llenyddiaeth Gymraeg 1300-1525 (Gwasg Prifysgol Cymru, 2005) ISBN 978-0-7083-1926-0