Ann Allebach

Oddi ar Wicipedia
Jump to navigation Jump to search
Ann Allebach
Allebach Ann MennYearbook1919.jpg
Ganwyd 8 Mai 1874 Edit this on Wikidata
Montgomery County Edit this on Wikidata
Bu farw 27 Ebrill 1918 Edit this on Wikidata (43 oed)
Dinas Efrog Newydd Edit this on Wikidata
Dinasyddiaeth Baner Unol Daleithiau America Unol Daleithiau America
Alma mater
Galwedigaeth swffragét Edit this on Wikidata

Ffeminist Americanaidd oedd Ann Jemima Allebach (8 Mai 1874 - 27 Ebrill 1918) sydd hefyd yn cael ei chofio fel swffragét, gweinidog, ac addysgwr. Hi oedd y fenyw gyntaf a urddwyd yn weinidog Mennonite yng Ngogledd America, a hynny ar Ionawr 15, 1911. Nid urddwyd menyw Mennonite arall tan 1973.[1][2]

Fe'i ganed yn Montgomery County a bu farw yn Ninas Efrog Newydd. Wedi gadael yr ysgol mynychodd Brifysgol Efrog Newydd, Prifysgol Columbia a Choleg Diwynyddol Union.

Allebach oedd y fenyw gyntaf erioed i gael ei dewis o Kings County, Efrog Newydd, i fod yn aelod o gonfensiwn gwleidyddol cenedlaethol. Fe'i dewiswyd ar gyfer Confensiwn Cenedlaethol Gweriniaethol 1912 (iaith wreiddiol: Republican National Convention) a gynhaliwyd yn Chicago ond ni chaniatawyd iddi fod yn bresennol gan ei bod yn ferch. Roedd yn ddirprwy o'r Eighteenth Assembly District o Gynulliad Gwladol y Blaid Flaengar yn Syracuse.[3]

Magwraeth a choleg[golygu | golygu cod y dudalen]

Ganwyd Allebach ar Fai 8, 1874 [2] yn Montgomery County, Pennsylvania, a chafodd ei magu ger Schwenksville.[4] Ei rhieni oedd Sarah Markley Allebach a Jacob R. Allebach, a oedd yn fanciwr ac yn bostfeistr. Pan oedd yn blentyn, sefydlodd siaptr o Young People's Society of Christian Endeavour yn ei thref enedigol.[1]

Yn 1893, daeth yn brifathro ysgol yn East Orange, New Jersey, a dechreuodd astudio yng Ngholeg Ursinus, Prifysgol Efrog Newydd, Prifysgol Columbia, ac Undeb Diwinyddol Seminary.[1] Yn dilyn ei hastudiaethau, bu'n dysgu yn Perkiomen Seminary yn Pennsburg, Pennsylvania.[4]

Hawliau merched[golygu | golygu cod y dudalen]

Wedi iddi ddychwelyd i Ddinas Efrog Newydd, anerchodd ei phobl am hawl menywod i bregethu, a'r hawl i fenywod i bleidleisio, sef yr hyn a elwir yn etholfraint. Yn Brooklyn, pregethodd yn Eglwys y Bedyddwyr, Marcy Avenue rhwng 1913 a 1915. Bu hefyd yn gweinidogaethu'r tlawd, a gofynnodd Maer Efrog Newydd iddi drefnu cynhadledd ar grefydd a gwasanaethau cymdeithasol. Gwahoddwyd hi'n aml i ddychwelyd i Pennsylvania i bregethu. Yn 1916, fe'i galwyd i fod yn weinidog ar gyfer Eglwys Ddiwygiedig Sunnyside ar Long Island.

Anrhydeddau[golygu | golygu cod y dudalen]

Cyfeiriadau[golygu | golygu cod y dudalen]