Alfred Brothers

Oddi ar Wicipedia
Jump to navigation Jump to search
Alfred Brothers
Ganwyd2 Ionawr 1826 Edit this on Wikidata
Sheerness Edit this on Wikidata
Bu farw26 Awst 1912 Edit this on Wikidata
Handforth Edit this on Wikidata
DinasyddiaethBaner Y Deyrnas Unedig Y Deyrnas Unedig
Galwedigaethffotograffydd Edit this on Wikidata

Ffotograffydd o Loegr oedd Alfred Brothers (2 Ionawr 1826 - 26 Awst 1912). Cafodd ei eni yn Sheerness yn 1826 a bu farw yn Handforth, Swydd Gaer.[1]

Bywgraffiad[golygu | golygu cod y dudalen]

Ganwyd Brothers yn Sheerness, Swydd Kent yn fab i John Brothers, fferyllydd a Caroline ei wraig. Bu'n gweithio fel clerc i adeiladwr cyn priodi.[2] Ar 8 Mehefin 1853 priododd Louisa Buck merch Geiorge Buck, bonheddwr yn Eglwys All Saints, Maidstone.[3] Wedi priodi symudodd i Fanceinion i weithio fel gwerthwr yswiriant.[4]

Ers ei ieuenctid bu ganddo ddiddordeb byw mewn ffotograffiaeth a seryddiaeth. Ym 1855 rhoddodd gorau i'w swydd fel gwerthwr yswiriant ac agorodd stiwdio ffotograffiaeth yn St Anne's Square, Manceinion. Ym 1857 bu'n ffotograffydd i'r Arddangosfa Trysorau'r Celfyddydau ym Manceinion gan dynnu lluniau o ymweliad y Frenhines Fictoria a'r Tywysog Albert i'r arddangosfa.

Ym 1864 dyfeisiodd modd i ddefnyddio rhuban o fagnesiwm i greu golau artiffisial ar gyfer tynnu lluniau. Caniataodd y rhuban iddi i dynnu'r ffotograffau tan ddaear gyntaf yng nglofa Blue John Swydd Derby.[5]

Yn ogystal â gwneud bywoliaeth o dynnu lluniau portread bu'n arbenigo mewn ffotograffau o adeiladau hanesyddol a ffotograffau o'r sêr a'r lleuad. Cyhoeddodd llyfr o ffotograffau hen adeiladau Views of Old Manchester ym 1875 a chafodd ei ddilyn ym 1878 gan lyfr o adeiladau newydd y ddinas Views of Modern Manchester. Ym 1870 aeth ar daith a noddwyd gan Lywodraeth Y DU i astudio diffyg ar yr haul gan lwyddo i fod yr un cyntaf i dynnu llun ffotograffig o gorona'r haul gan gynorthwyo gwyddonwyr i wella eu dealltwriaeth o'r ffenomenon.[6]

Ym 1892 cyhoeddodd gwerslyfr o’r enw Photography: its History, Processes, Appararatus and Material

Mae yna enghreifftiau o waith Alfred Brothers yng nghasgliad portreadau Llyfrgell Genedlaethol Cymru a hefyd yng nghasgliad Yr Oriel Bortreadau Genedlaethol yn Llundain.

Oriel[golygu | golygu cod y dudalen]

Dyma ddetholiad o weithiau gan Alfred Brothers:

Cyfeiriadau[golygu | golygu cod y dudalen]

  1. Nottingham journal 27 Awst 1912 tud 4 Colofn 3 Obituary
  2. Yr Archif Genedlaethol, cyfrifiad 1851, Bower Lane, Maidstone, Kent. Cyfeirnod HO107/Rhif 1617 / Ffolio 290/ Tud 51
  3. Cofnodion priodas Eglwys All Saints, Maidstone 1853
  4. National Portrait Gallery - Alfred Brothers adalwyd 6 Chwefror 2019
  5. Encyclopedia of Nineteenth-Century Photography adalwyd 6 Chwefror 2019
  6. Yorkshire Post and Leeds Intelligencer 27 Awst 1912 Obituary