Afon Llifon

Afon Llifon

Math	Afon
Daearyddiaeth
Lleoliad	Glynllifon
Sir	Gwynedd
Gwlad	Cymru
Cyfesurynnau	53.066577°N 4.313878°W
Aber	Bae Caernarfon
Hyd	6 milltir
[golygwch ar Wicidata]

Afon yn ardal Arfon, Gwynedd, yw Afon Llifon. Mae'n adnabyddus fel yr afon sy'n llifo drwy gerddi plas Glynllifon. Ei hyd yw tua 6 milltir.

Cwrs

Afon Llifon

Aber Afon Llifon

Mae'n tarddu ym mryniau gogleddol Eryri ar lethrau Moel Tryfan ger Rhosgadfan (bro Kate Roberts a Dic Tryfan). Mae'n llifo oddi yno fel ffrwd fechan ar gwrs i gyfeiriad y gorllewin trwy'r caeau bychain niferus sydd rhwng Carmel a Rhostryfan. Mae'n gwneud tro bedol bron wrth fynd heibio i bentref Groeslon gan droi i lifo i gyfeiriad y de-orllewin am weddill ei thaith.

I'r de o Llandwrog mae'n llifo trwy gerddi plas Glynllifon; creuwyd cyfres o readrau ornamental yn yr afon sy'n un o brif atyniadau'r gerddi hynny.

Ar ôl gadael parcdir coediog Glynllifon mae'r afon yn lledu am 2 filltir olaf ei chwrs. Mae'n llifo dan bont ar y briffordd A499 ac mae'n cyrraedd ei haber ar Fae Caernarfon tua milltir ar ôl hynny.