Afon Don (Rwsia)

Oddi ar Wicipedia
Neidio i: llywio, chwilio
Afon Don ger Yelets, Oblast Lipetsk.
Cwrs Afon Don.

Un o brif afonydd Rwsia yw Afon Don (Rwsieg Дон). Fe'i lleolir yn rhan ddeheuol Rwsia Ewropeaidd. O'i darddiad yn ne canol Rwsia 150 km i'r de-ddwyrain o Moscow i'w haber lle mae'n llifo i mewn i Fôr Azov, ei hyd yw 1950 km (1220 o filltiroedd).

Lleolir ei tharddle yn nhref Novomoskovsk, 60 km i'r de-ddwyrain o Tula a 150km i'r de-ddwyrain o Moscow. O fan hyn, mae'n llifo i'r de-ddwyrain drwy Voronezh ac oddi yno i'r de-orllewin hyd Rostov-na-Donu yn Oblast Rostov a Môr Azov. Mae Afon Donets yn ymuno â hi rhwng Konstantinovsk a Rostov na Donu, tua 100 km i'r gogledd-ddwyrain o'r môr. Ar ei phwynt mwyaf dwyreiniol, mae'n dod yn agos at Afon Volga. Mae'r Gamlas Volga-Don yn cysylltu'r ddwy afon ac yn llunio ffordd bwysig i longau o Môr Caspia i'r Môr Du.

Flag Russia template.svg Eginyn erthygl sydd uchod am Rwsia. Gallwch helpu Wicipedia drwy ychwanegu ato.