Achsah

Oddi ar Wicipedia
Jump to navigation Jump to search
Achsah
Achsah-Axa.jpg
Dinasyddiaeth Cymeriad Beiblaidd
Tad Caleb Edit this on Wikidata
Priod Othniel Edit this on Wikidata

Mae Achsah (/ˈæksə/; Hebraeg: עַכְסָה) (Achsa yn y Beibl Cymraeg Newydd) yn ferch y mae sôn amdani yn Yr Hen Destament / Y Beibl Hebraeg. Roedd hi'n ferch i Caleb.

Ystyr yr enw[golygu | golygu cod y dudalen]

Mae ystyr yr enw yn ansicr. Mae'r Encyclopedia Biblica yn awgrymu mae'r ystyr yw fferled [1]. Mae Geiriadur Beiblaidd a Duwinyddol Mathetes yn awgrymu addurn neu un sydd wedi ei harddu [2] ac mae Bible Gateway yn awgrymu chwalu'r llen. [3]

Y Naratif Beiblaidd[golygu | golygu cod y dudalen]

Roedd Achsah yn unig ferch Caleb, roedd ganddi dri brawd. [4] Roedd Caleb yn un o arweinwyr llwyth Jiwda yn ystod taith yr Iddewon i wlad yr addewid ar ôl iddynt ffoi o'u caethglud yn yr Aifft. [5] Roedd Caleb yn un o'r 12 ysbïwr a danfonwyd gan Moses i wlad Canaan i asesu gwerth y tir a chryfder y bobl oedd yn ei feddiannu. Fel rhodd am y gwaith addawodd Moses y darnau o'r wlad y bu'n ei hysbïo i Caleb a'i ddisgynyddion.[6] Wrth i'r Israeliad dechrau meddiannu'r wlad o dan arweiniad Josua, maent yn cyrraedd y tir a addawyd i Caleb, Ciriath-arba (ail enwyd yn Hebron) gan lwyddo i ladd tri chawr oedd yn gwarchod y diriogaeth. Wedyn aethant ati i ymosododd ar drigolion Ciriath-seffer (Debir wedyn). Mae Caleb yn addo llaw Achsah ei ferch mewn priodas i'r dyn byddai'n llwyddo i ennill y lle. [7] Othniel fab Cenas, ei nai, bu'n llwyddiannus a chafodd priodi Achsah.[8]

Wedi cael addewid o gael priodi Achsah, mae Othniel yn awgrymu wrth ei ddarpar wraig i fynd at ei thad a gofyn iddo am ran o'i dir fel gwaddol priodas. Mae Achsah yn gwneud hynny ac yn cael parsel o wlad gan ei thad. Mae Caleb yn cytuno ac yn rhoi iddi dir. Wedi derbyn y tir mae Achsah yn gofyn am ragor Dyro i mi fendith: canys gwlad y deau a roddaist i mi; dyro i mi hefyd ffynhonnau dyfroedd. A Caleb a roddodd iddi y ffynhonnau uchaf, a’r ffynhonnau isaf. [9]

Hanes diweddarach[golygu | golygu cod y dudalen]

Yn ddiweddarach mae Othniel yn dod yn un o farnwyr Israel [10] ac mae ef ac Achsah yn dod yn rhieni i un mab sydd a'i enw yn cael ei grybwyll yn y Beibl Hathath. [11]

Cyfeiriadau[golygu | golygu cod y dudalen]

Lle fo cyfeiriad yn destun Beiblaidd, bydd dilyn y cysylltiad yn mynd at rifyn Beibl William Morgan Cymdeithas Feiblaidd Prydain a Thramor, 1992 ar wefan Bible Gateway. Am destun mwy cyfoes gellir chwilio am yr un adnodau ar dudalen chwilio Beibl Net

Gweler hefyd[golygu | golygu cod y dudalen]

Rhestr o fenywod y Beibl